बारामा मोटरसाइकल चोरी गर्ने गिरोहका ६ जना चोर पक्राउ

बारा । जिल्ला प्रहरी कार्यालय बाराले मोटरसाइकल चोरी गर्ने गिरोहका ६ जना मोटरसाइकल चोरलाई पक्राउ गरि सर्बजनिक गरेका छन ।

बाराको पचरौता नगरपालिकाका कै ६ जना मोटरसाइकल चोरलाई बारा प्रहरीले पक्राउ गर्न सफल भएको हो जिल्लाको विभिन्न ठाउँबाट चोरी गरिएका १२ वटा मोटरसाइकल सहित ती ६ जना मोटरसाइकल चोरलाई प्रहरीले पक्राउ गरेकोछ ।गत बिहीबार महागढीमाई नगरपालिका बरियारपुरबाट दुई वटा मोटरसाईकललाई चोरी गरेर भाग्दै गरेका पचरौता नगरपालिका–७ बेनौलीका बिशालकुमार सहनी र भोला पटेललाई प्रहरीले पक्राउ गरेको थियो ।

पक्राउ परेका दुबै मोटरसाइकल चोर माथि चोरी सम्बन्धी मुदा दयारा गरि अदालतबाट थप म्याद गराई अनुसन्धान गर्ने क्रममा दुबैजनाले बोलेको आधारमा थप चार जनालाई चोरलाई पक्राउ गरिएको बाराका प्रहरी नायव उपरीक्षक होबिन्द्र बोगटी पत्रकार समेलनमा जानकारी दिए ।थप पक्राउ पर्नेहरुमा सोही नगरपालिकाको बेनौली टोलकै बृजमोहन साह सोनार, बिजय पटेल, हरिनारायण पटेल र बरक सहनीलाई पक्राउ गरिएको उपनिरिक्षक बोगटी बताए । 

जिल्लामा मोटरसाइकल चोरको बिगबिगी बढेपछि विभिन्न स्थानीयको गुणासो बढेपछि मोटरसाइकल चोरलाई पक्राउ गर्न प्रहरीले सकृय भएका छन।चोरी गरिएका मोटरसाइकल कचराको भावमा २५ देखि ३० हजारमा अन्य जिल्लामा र भारतको बिभिन्न ठाउँमा चोरले बिक्री गर्ने गर्छन । तर चोर पक्राउ परेपछि केही नेता र अभिभावकको संरक्षणमा चोर धरौटीमा छुटने गर्दा स्थानीयहरु मोटरसाइकल चोरबाट आजित बनेका छन ।

खुन र पसिनाबाट कमाएर किनेका मोटरसाइकल चोरले चोर्दा र पक्राउ परेपछि धरौटीमा रिहा हुदा थप पिडा हुने स्थानीय दिनेश यादवको भनाईछ ।उनका अनुसार पक्राउ परेका चोर कुनै हालतमा छुटन नपाउने प्रशासनलाई दबाब दिएका छन । जिल्ला प्रशासन कार्यालयमा पक्राउ परेका मोटरसाइकल चोर धरौटीमा रिहा भएपछि फेरि जिल्ला चोरको बिगबिगी हुन्थाल्छ । चोरलाई करवाही गरेर अगाडि बढानु जरुरी छ ।