कैलालीमा अबैध वन फडानी रोकिएन

कृतबहादुर बिष्ट, कैलाली । नेपालमा सामूदायिक वनलाई सफल तथा प्रभावकारी र सफल कार्यक्रमको रुपमा चित्रण गरिएको पाईन्छ । पर्यावरण संरक्षण तथा बाढी पहिरो भूक्षय रोक्न वन जंगलको महत्वपुर्ण भुमिका पनि रहेको हुन्छ ।  तर पछिल्लो समयमा चाहे बैज्ञानिक वनका नाममा होस्, चाहे बिकास निर्माणका नाममा होस वा अन्यकुनै बाहानामा कैलालीमा दिन प्रतिदिन वन सखाप हुने काम रोकिएको छैन ।

देश यतीखेरमा लकडाउनमा छ, कोरोनाको संन्त्रास छ , मानिसहरु घरवाहिर जानन डराईरहेका छन् । तर वन समहु तथा वनसमितिहरु वनसखाप पार्नमा तल्लीन छन् । कैलालीमामा वन क्षेत्रमा भईरहेको बिनासका बारेमा बिशेष सुचनाका आधारमा हामी कैलाली जिल्लाको सदरमुकाम धनगढीबाट करिब ८० किलोमिटर टाढा रहेको महोन्याल गाउँपालिका वडा नम्बर ३मा रहेको चुरे मालिका सामुदाकि वन उपभोक्ता समुहमा पुगेका छौ ।

यस बनमामा वन पधाधिकारीहरुले काठ ठेकेदारहरुसंगको मिलेमतोमा उपभोक्तहरुलाई थाह नै नदिई बैज्ञानिक वनका नाममा वन फडानी गरेको आरोप स्थानियको रहेको छ ।  स्थानियहरुले वन ऐन निति र नियम बिपरीत काठ कटानी गरी वन फडानी गरेको आरोप लगाएका छन् । प्रकृतिक रुपमा संबेदनशिल रहेको चुरेक्षेत्रमा वन कर्मचारी , ठेकेदार र वन समितिहरुको मिलेमतोमा वन बिनास भईरहेको स्थानिय उपो भोक्ताहरुको आरोप छ ।

नेपाल सरकारले यही जेठ १५ गते मन्त्रिपरिषदको निर्णयले बनमा भईरहेको सम्पुर्ण कटानी र काटिएको भएपनि यथास्थितीमा राख्न सम्पुर्ण कार्य रोक्न निर्णय गरेको भए पनि सो निर्णको चुरे मालिका लगायत सोही क्षेत्रको देउराली सामुदामिक वनमा समेत निर्णयको धज्जी उडाउदै वन फडानी गर्ने कार्य रोकिएको छैन् ।  तर संचारकर्मिको टोली त्यहा पुगेपछि भने उपउपोक्त समुहका पदाधिकारीहरुले विभिन्न बहाना बनाउदै पन्छिन खोजे ।