विराटनगर । गाई काटेर मासु बेचेको आरोपमा प्रहरीले विराटनगरबाट १ जनालाई पक्राउ गरेको छ । प्रहरीले विराटनगर–१७ प्रतिक टोलका २८ वर्षीय सोहिल मियाँलाई मासु काटदै गरेको स्थानबाट पक्राउ गरेको हो ।
प्रहरीद्धारा उक्त स्थानबाट झण्डै १० किलो मासु, मासु काटन प्रयोग गरिएको अचानो, दाउ, चुलेसी र बेच्न प्रयोग गरिएको तराजु समेत बरामद गरिएको ईलाका प्रहरी कार्यालय रानीका प्रहरी निरिक्षक दीपक थापाले बताए। उहाँले बरामद मासु ल्याब परिक्षणका लागि काठमाण्डौ पठाईने जानकारी दिए ।
प्रहरी नियन्त्रणमा रहेका मियाँलाई माथि पशुपन्क्षी कसुर ऐनको आधारमा म्याद थप गरी अनुसन्धान प्रक्रिया अगाडि बढाईने प्रहरी निरिक्षक थापाको भनाई छ । स्थानीयबासीद्धारा आएको गोप्य सुचनाको आधारमा प्रहरीले मियाँलाई पक्राउ गरेको हो । मासु काटने अन्य व्यक्तिहरु भने फरार रहेको ईलाका प्रहरी कार्यालय रानीले जनाएको छ ।
हाम्रोमत
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
