सामाजिक परम्परागत कुसंस्कारको अन्त्य गर्न बिद्यालयस्तरमा किशोरी रुपान्तरण कक्षा संचालन

पुस ९, २०७६

कालापानी मिडिया

बझाङ ।
बझाङमा सामाजिक परम्परागत कुसंस्कारको अन्त्य गर्न बिद्यालयस्तरमा किशोरी रुपान्तरण कक्षा संचालन गरिएको छ ।

बिथ्थड चिर गाउपालिका ३ को केदार मध्यमिक विद्यालय खोल्मौर बिथ्थडमा संयुक्त राष्ट्र संघिय जनसङख्या कोषको सहयोग र नेपाल रेडक्रस सोसाईटी जिल्ला शाखा बझाङ्गको आयोजनामा हप्ताको एक दिन शुक्रवार कक्षा ९ र १० मा अध्ययनरत किशोरी समुहका छात्राहरुमा कक्षा संचालन गरिएको हो ।

पछिल्लो समयमा उमेर नपुग्दै विवाह गर्ने र केही सामाजिक अज्ञानताका कारण महिला हिंसाको सिकार बन्नु पर्ने बाध्यता किशोरी समुहका महिलाले भोग्दै आएका समस्या बिद्यालय स्तरबाटै समस्याको समाधान गर्न सकिने भएकोले संदेश मुलक किशोरी रुपान्तरण कक्षा संचालन गरिएको विद्यालयले जनाएको छ ।

विद्यार्थीहरुले पनि यस कार्यक्रममा सहभागी भएपछि घरका सदस्यलाई सम्झाउन सकिएको जनाएको छ ।
बझाङमा महिनावारी हुदा दहि दुध खान नदिने चलन तथा अलग्गै सुताउने गरेको मा यतिबेला सफा ओछ्यान र पोशिलो खाना पाउने गरेको उनिहरुको भनाइ छ ।

प्रतिक्रिया दिनुहोस