दाङको संस्कृत विद्यालयमा थारु समुदायका बिध्यार्थीको आकर्षण

दाङ ।
दाङ जिल्लामा संस्कृत भाषा पढाई हुने एक मात्र विद्यालय हो जनता विद्यापीठ बिजौरी । कक्षा ४ देखि नै संस्कृत शिक्षा पढाई हने यस विद्यालयमा सबैभन्दा बढी थारु समुदायका विद्यार्थीहरु अध्ययन् छन् । आफ्नो भाषा भन्दा संष्कृत भाष पढ्न रमाइलो भएको भन्दै थारु समुदायका बिद्यार्थीहरु यसतर्फ आकर्षित भएका हुन् ।

नेपालको संविधान २०७२ भाग ३ को मौलिक हक र कर्तव्य अन्तर्गत धारा ३१को उपधारा ५ मा नेपालमा बसोबास गर्ने प्रत्येक नेपाली समुदायलाई कानूनबमोजिम आफ्नो मातृभाषामा शिक्षा पाउने, त्यसका लागि विद्यालय तथा शैक्षिक संस्था खोल्ने र सञ्चालन गर्ने हकको व्यवस्था छ । २०४७ ले पनि प्राथमिक तहसम्म मातृभाषामै पढ्न पाउने अधिकार सुनिश्चित गरेको थियो । तर अन्य समुदायका विद्यार्थीहरुले भने आफ्नो भाषा पढाईभन्दा संस्कृत पढाई पढ्न तिर बढि ईच्छुक देखिएका छन । यस बिद्यालयमा पनि संष्कृत पढ्नेमा थारु समुदायका विद्यार्थीहरु बढी छन् । उनिहरु संष्कृत भाष पढ्दा रमाइलो लाग्ने बताउछन् ।
बिध्यालयमा नेपाली र संस्कृत भाषाबाट अनुवाद गरेर पढाएदै आएको छ । जहाँ, साहित्यमा पनि छात्रभन्दा छात्राहरुको बढि रुचि देखिन्छ । यता, विद्यालयमा कक्षा १ देखि १० सम्म विद्यार्थीहरुले संस्कृत पढ्ने गरेको भएपनि कक्षा १० पास गरेपछि भने उनिहरुले अन्य विषय पढ्ने गरेका छन् । उसो त, संस्कृत विषय पढ्े बापत विद्यार्थीहरुले मासिक २५० छात्रबृत्ति पाउनेभउकाले पनि बिध्यार्थी संख्या बढेको हो । त्यसैले पाठ्क्रम परिमार्जन गर्नुपर्ने शिक्षकहरु बताउँछन् ।
यता तुलसीपुर उपमहानगरपालिकाले भने विद्यार्थीहरुको रुचि र चहानाको विषय नभएको भन्दै पाठ्यक्रम परिमार्जन गरेर संस्कृत विषयलाई जोगाउनु पर्ने बताएको छ । अहिले जुन परिवारमा संस्कृत बाताबरण छ, त्यो परिवारका विद्यार्थीहरुले मात्र पढ्न सक्ने अवस्था भएकाले सबैको रुची बढाउने विषयमा संस्कृत विश्वविद्यालयले सोच्नु पर्ने उपमहानगरको भनाइ छ ।