काठमाडौं । त्रिभुवन विश्वविद्यालयको ४७औँ दीक्षान्त समारोहमार्फत आज २९ हजारभन्दा धेरै विद्यार्थी दिक्षित हुँदैछन्।
विश्वविद्यालयका कुलपति एवं प्रधानमन्त्री शेरबहादुर देउवाको अध्यक्षतामा हुने समारोहमा २९ हजार ७२९ जना विद्यार्थी दीक्षित हुने भएका हुन्। समारोह बल्खुस्थित परीक्षा नियन्त्रणको कार्यलयमा बिहान ११ बजेपछि सुरू हुनेछ। त्रिवि ६२ औं वार्षिक दिवसका अवसरमा आयोजना गरिएको बैठकले ५९ औं ग्रेस लिष्ट पारित गरी विद्यार्थीलाई दीक्षित गर्ने निर्णय गरेको हो।
२०७७ असार १ देखि २०७८ जेठ मसान्तसम्म तोकिएका सम्पूर्ण मापदण्ड पूरा गरी ट्रान्सक्रिप्ट लिइसकेका विद्यार्थी दीक्षित हुन लागेका हुन्। चिकित्साशास्त्र अध्ययन संस्थान अन्तर्गत १ हजार ३४०, इन्जियरिङ अध्ययन संस्थान अन्तर्गत ८२६, विज्ञान तथा प्रविधि अध्ययन संस्थान अन्तर्गत २ हजार ९७४, कृषि र पशुविज्ञान अध्ययन संस्थान अन्तर्गत ४६२, वन विज्ञान अध्ययन संस्थान अन्तर्गत २७९ व्यवस्थापन संकाय अन्तर्गत ८ हजार ३४३, शिक्षाशास्त्र संकाय अन्र्तगत ७ हजार ११८, मानविकी तथा सामाजिकशास्त्र संकाय अन्तर्गत ७ हजार ५०७ र कानुन संकाय अन्तर्गत ८८० दीक्षित हुने त्रिविले जनाएको छ।
सहभागी २९ हजार ७२९ मध्ये साधारणतर्फ २३ हजार ८४८ र प्राविधिक शिक्षातर्फ ५ हजार ८८१ विद्यार्थी रहेको छन्।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
