मदन बिक
२६ माघ,बाजुरा । बाजुराकोे स्वामीकार्तिक र हिमाली गाउँपालिकामा एकसाता देखि फैलिएको रुघाखोकी र भाईरल ज्वरोका कारण दुईजनाको मृत्यु भएको छ ।चिसोका कारण फैलदै गएको भाईरल ज्वरोका कारण स्वामीकार्तिक खापर गाउँपालिका १ साप्पाटाका ९० वर्षिया दलबहादुर रावल र सोही गाउँकी ५५ वर्षिया प्रमिला कडाराको मृत्यु भएको हो ।
प्रभावित क्षेत्रमा अहिलेसम्म ५ सय बढीको उपचार भईसकेको स्वास्थ्य कार्यालय बाजुराले जनाएको छ । स्वास्थ्यकर्मीको टोली गाउँमा पुगेपछि विरामीहरुको संख्यामा कमि आएको स्वास्थ्य कार्यालय बाजुराका निमित्त कार्यालय प्रमुख रामचन्द्र यादवले बताएका हुन् ।
जिल्ला प्रशासन कार्यालयको समन्वयमा जिल्ला अस्पतालबाट डाक्टर राजुराज जैशी सहित स्वास्थ्यकर्मीहरुको टोलीले प्रभावित क्षेत्रमा पुगेर विरामीहरुको स्वास्थ्य जाँच गरी औषधी उपचार गरेका थिए । रोगको संक्रमण फैलिएको र केही दिनसम्म यसको असर अझै बाँकी रहने भएकाले स्थानीयहरुलाई सजक हुन स्वास्थ्यकर्मीले सुझाव दिएका छन् । चिसो बढेका कारण रुघाखोकी, ज्वरो आउने, टाउको दुख्ने लगायत समस्या भएकाले चिसोबाट सुरक्षित रहन चिकित्सकले आग्रह गरेका छन् ।।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
