बाजुरा । बाजुराको बडीमालिका नगरपालिकामा वनमा काफल खान चढेको रूख ढल्दा सात जना किशोर घाइते भएका छन्।
बडीमालिका नगरपालिका–८ मा रूख चढेर काफल खाइरहेका बेला एकाएक काफलको रूख ढलेर सात किशोर घाइते भएका जिल्ला प्रहरी कार्यालय बाजुराले जनाएको छ।
घाइते हुनेमा बडीमालिका नगरपालिका–८ का १४ वर्षीय दीपक रावल, १६ वर्षीय कमल रावल, दिलु रावल, भीम रावल, विवेक रावल, कमल रावल र सुजन रावल छन्। उनीहरू शनिबार साँझ करिब ५ बजेतिर सोही वडाको खर्रामा काफल खान गएका थिए।
घाइते भएका सातमध्ये तीन जनाको अवस्था गम्भीर छ। गम्भीर अवस्था रहेका कमल रावल, भीम रावल र कमल रावल छन्। घाइते किशोरहरूको जिल्ला अस्पताल बाजुरामा उपचार भइरहेको छ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
