काठमाडौं । कैलालीका १३ स्थानीय तहमा बिहान ७ बजेदेखि मतदान भइरहेको छ। ९१ हजारभन्दा बढी मतदाता रहेको जिल्लामा करिब ५८ हजार मतदाताले मतदान गरिसकेका छन्। मतदाताको सहभागिता उत्साहजनक रुपमा बढेसँगै मतदान सुरु भएको तीन घण्टाको अवधिमा ५८ हजार मतदाताले मतदान गरिसकेको कैलालीका मुख्य निर्वाचन अधिकृत जयानन्द पनेरुले जानकारी दिए।
मतदानस्थल र मतदान केन्द्रमा मतदाताको उल्लेख्य सभागिता देखिएको छ। मतदानका लागि पुरुष, महिला र अपाङ्ग लगायत अशक्तहरुका लागि छुट्टाछुट्टै लाइनको व्यवस्था गरिएकाले मतदातालाई मतदान गर्न सहज भएको मतदाताहरुको प्रतिक्रया छ। बिहीबार राती परेको वर्षाका कारण मतदानस्थलमा बिहान हिलो भएर मतदातालाई केही असहज भएपनि अहिले हिलो र धुलोको समस्या नभएको मतदाताहरुले जनाएका छन्।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
