काठमाडौंः एसीसी महिला टी–ट्वान्टी क्रिकेट च्याम्पियनसिप अन्तर्गत लिग चरणको अन्तिम खेलमा नेपाल पराजित भएको छ ।
मलेसियाको किनरारा ओभलमा मंगलबार नेपाल हङकङसँग ७ विकेटले पराजित भएको हो । जितसँगै हङकङ समूह ’बी’ विजेता सेमिफाइनलमा प्रवेश गरेको छ ।
नेपाल भने समूह उपविजेता बनेको छ । एक खेल खेल्न बाँकी रहेको हङकङले ३ खेलमा ६ अंक जोडेको छ । र, समूहको शीर्ष स्थानमा रहेको छ । नेपाल ४ खेलमा ६ अंक जोडेर समूहको दोस्रो स्थानमा रहेको छ । नेपालले सेमिफाइनमा समूह ’ए’ को विजेतासँग खेल्नेछ ।
मंगलबार नेपालले दिएको १ सय १० रनको लक्ष्य हङकङले १५ ओभर ५ बलमा ३ विकेट गुमाएर पूरा गरेको हो । हङकङको जितमा मारिको हिलले ४५ , नताषा मिल्सले अविजित २८ तथा कप्तान कारी चानले १७ रन बनाईन् । नेपालकी संगीता राईले २ तथा सीता मगरले १ विकेट लिईन् ।
यो खेलमा टस जितेर पहिले ब्याटिङ गरेको नेपालले २० ओभरमा ६ विकेट गुमाएर १ सय ९ रन बनायो । नेपालका लागि कप्तान रुबिना क्षेत्रीले अविजित ३२ , रनको अप्सरी बेगमले अविजित २२ र बिन्दु रावलले २३ रन बनाईन् । हङकङकी बेट्टी चानले २ तथा मार्याम बीबी र एलिसा हब्बार्डले १÷१ विकेट लिए ।
समूह चरणको खेलपछि शीर्ष दुई टोलीले सेमिफाइनलमा स्थान बनाउने छन् । च्याम्पियनसिपको फाइनल पुग्ने दुई टोली महिला टी–ट्वान्टी एसिया कप क्रिकेटमा छनोट हुनेछन् ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
