काठमाडौं । साफ यू–२० च्याम्पियनसिप पुरुष फुटबलमा नेपालले आज दोस्रो खेल खेल्दैछ ।
भुवनेश्वरस्थित कालिंगा स्टेडियममा हुने दोस्रो खेलमा नेपालले श्रीलंकाको सामना गर्न लागेको हो ।
खेल साँझ सवा ७ बजेबाट सुरु हुनेछ । नेपाल आज श्रीलंकालाई हराएर लगातार दोस्रो जित निकाल्न चाहन्छ ।
सोमबार भएको उद्घाटन खेलमा नेपालले माल्दिभ्सलाई ४–० गोल अन्तरले पराजित गरेको थियो । तर, श्रीलंकाविरुद्ध नेपाललाई जित निकाल्न सहज भने छैन । किनकि नेपालविरुद्ध मैदान उत्रदा श्रीलंका पहिलो जितको खोजीमा हुनेछ ।
पहिलो खेलमा श्रीलंकालाई बंगलादेशले १–० गोल अन्तरले पराजित गरेको थियो । च्याम्पियनसिपमा आयोजक भारत र नेपालसँगै माल्दिभ्स, श्रीलंका र बंगलादेशको सहभागिता रहेको छ ।
नेपालले श्रीलंकापछि तेस्रो खेलमा भारतसँग आगामी आइतबार र अन्तिम खेल बंगलादेशसँग आगामी मंगलबार प्रतिस्पर्धा गर्नेछ । शीर्ष दुई टोलीले उपाधिका लागि अर्को हप्ताको शुक्रबार प्रतिस्पर्धा गर्ने छन् ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
