इटहरीमा

इटहरी, नेपालको मुख्य शहर होस् या त कुना कुनाको बजारमा नै किन नहोस् । हेर्दा साँच्चै खाउ खाउ जस्तै मज्जाले पोके जस्ता आपँहरु देख्न सकिन्छ । तर उक्त आप केमिकलले पकाइएको हुन्छ । त्यही आँप छ्याछ्पती बेच्ने गरीएको पाइएको छ ।

तर यसले कति असर गरीरहेको छ भन्ने कुरा सर्वसाधारणलाई खासै वास्था नगरेको पाईन्छ । यस्तो आँप खानु नै बिमारीको एक प्रमुख कारण रहेको पाइएको छ । मानविय स्वास्थ्यमा प्रतिकुल असर पुर्याउने कारवाइड प्रयोग गरेर बजारमा पठाउन लागेको ठुलो परिमाणको आँप इटहरीमा अनुगमन टोलीले नियन्त्रणमा लिएको छ ।

फलफुलहरुमा कारवाइड प्रयोग गरेर विक्री भई रहेको गुनासो बढी रहेको समयमा इटहरीका केही फलफुलका होलसेल पसलमा गरिएको अनुगमनका क्रममा एक होलसेल पसलबाट टोलीले ४० कार्टुन आँप नियन्त्रणमा लिएको हो ।

इटहरीको आइतवारेमा रहेको रामनारायण साह फलफुल पसलमा संयुक्त अनुगमन टोलीले कारवाइड हालेर बजारमा पठाउन लागेको आँपको कार्टुन फेला पारेको थियो । कारवाइड हालेको फलफुलहरु विक्री भई रहेको सुचनाको आधारमा अनुगमन गरिएको उपभोक्ता मञ्च नेपालका अध्यक्ष ठगेन्द्रप्रसाद आर्चायले वताए । अनुगमनमा सहभागी खाद्य तथा गुण नियन्त्रण डिभिजन कार्यालय इनरुवाका निरिक्षक सृर्जन जोशीले कारवाइड हालेर पकाइएको फलफुल खाँदा स्वास्थ्यमा समस्या हुने जानकारी दिदै अव देखि फेरि पनि यस्ता कार्य हुन नदिने गरी अनुगमन निरन्तर जारी राख्ने समेत वताए । नियन्त्रणमा लिएको कारवाइड हालिएका आँपहरु न्ष्ट गरिने जानकारी गराइयो ।

पुर्व क्षेत्रमा बेमौषममै कारवाइड हालेर पकाइएका फलफुलहरु भारतीय बजारबाट भित्रने गरेको छ । आँपको सिजन आउनु महिना दिन अघि देखिनै पुर्वका बजारहरुमा कारवाइड हालेर पकाइएका आँपहरु विक्री वितरण हुदै आएको पाइन्छ ।