तराईका जिल्लामा एचआईभी संक्रमितको संख्या बढ्दो, नारायणी अस्पतालमा मात्रै ११ सय ७० जनाले एआरटी सेवा लिदै ।।

पर्सा ।
आरोहण शाह ।
एचअआईभी एड्स रोकथामका लागि विभिन्न कार्यक्रमहरू गर्दै आएापनि तराईका जिल्लामा एचआईभी एड्स संक्रमितको सख्या बढ्दै गएको छ । असुरक्षित यौन सम्पर्क, वैदेशिक रोजगार, यौन शिक्षाको कमी लगायतका कारणले पर्सा जिल्लाको नारायणी अस्पतलबाट एआरटी सेवा लिने एचआईभी एड्स संक्रमित व्यक्तिको संख्या बढ्दै गएको हो ।

अस्पतालमा ११ सय ७० जनाले एआरटी सेवा लिने अर्थात् एचआईभी संक्रमित व्यक्तिहरू रहेका छन् । तर अहिले नियमित औषधि लिइरहेका ७३० जनाको हाराहरीमा छन् । जस्मध्ये ४०३ जना पुरुष ,२७५ महिला र ५० जना बालबालिहरु नारायणी अस्पताल एआरटी सेवा सेन्टरबाट औषधि खादैछन् । तराई जिल्लाका मानिसहरु बिशेष गरी भारत कमाउन जाने र उतैबाट एड्स सारेर ल्याउने गरेको पाइएको छ ।

नारायणी अस्पतालमा रहेको एआरटी सेवा सेन्टर वीरगञ्जबाट निःशुल्क औषधि वितरण हुँदै आएको छ । कार्यालयको तथ्यांक अनुसार बारा ,पर्सा ,रौतहट, सर्लाही र मकवनपुरका संक्रमित व्यक्तिहरु औषधि लिइरहेका हुन् । असुरक्षित यौनसम्पर्क र सुई, सिरिन्जबाट लागूऔषध प्रयोगकर्ता एचआईभीको उच्च जोखिममा छन् । कामका लागि विदेश गएकाबाट पनि एचआईभी सरेको पाइएको छ । एक पटक एआरटी सेवा लिएपछि जीवनभर लिइरहनुपर्ने भएकाले केही संक्रमितले सेवा लिन नमानेको र समाजबाट अपहेलित हुने डरका कारण खुल्न नसकेकाहरू पनि धेरै छन् ।

संक्रमितले सेवन गरेको औषधिले रोगलाई बढ्न नदिने र भाइरलको संख्या शरिरमा बृद्धि हुन नदिने गर्दछ । भाईरलको संख्या घट्नु भनेको संक्रमितको रगतमा एच.आई.भि नदेखिनु हो । अस्पतालमा गर्भवतीको एचआईभी जाँच गरिँदै आएको छ । गर्भ जाँच गराउन आउने महिलाको अन्य जाँचसँगै एचआइभी जाँच पनि गरिन्छ । विशेषगरी भारतबाट काम गरेर फर्किने नेपालीहरूमा धेरै एचआईभी एड्सको संक्रमण देखिएकोले सीमानामा सचेतना फैलाउने अभियान सञ्चालन गरिनु आवस्यक छ ।