सरकार भन्छ संका लागे अस्पताल जानुस तर, अस्पतालले भर्ना लिदैन

कोरोनाको संक्रामण हो होइन भनेर अस्पताल भर्ना हुन पनि मन्त्रीले दवाव दिनुपर्ने

भिम भूषाल, बुटवल । सरकारले कोरोना भाइरसबाट बच्न सभा सम्मेलन नगर्ने मात्रै भनेको छैन, शैक्षिक संस्था, अदालत, बन्द गर्ने, मठ मन्दीरमा भीडभाड हुन नदिने , बिशेष काम बाहेक बाहिर ननिस्कने जस्ता नियमहरु लागु गर्दै आइरहेको छ । घरमै बस्दापनि साबधानी अपनाउन र कोरोनाको जस्तो लक्षणहरु देखिने बित्तिक्कै जाँच गराउन सुचना नै जारी गरेको छ । जनतालाई नआत्तिन आग्रह गर्दै नाकाहरुमा कडाइ गरेको छ । ६६ देशबाट नेपाल प्रवेशमा रोक लगाएको छ । ठाउँ ठाउँमा क्वारेन्टाइनस्थल र आइसोलेसन वार्डहरु बनाइरहेको छ । तर, नवलपरासी रामग्रामका २४ वर्षका एक व्यक्ति जो उच्च ज्वरो, खोकी र श्वासप्रश्वासको समस्या देखिएपछि अस्पताल पुग्छन् तिन्लाई भने अस्पतालले कहिले यता कहिले उता भन्दा भर्ना लिन समेत नमानेको पिडितका आफन्तको भनाई छ । कोरोना भाइरस संग मिल्दोजुल्दो लक्षण देखिएपछि विरामी भर्ना लिन अस्पतालले आनाकानी गर्ने गरेको विरामीका आफन्तको गुनासो छ ।

पश्चिम नवलपरासीको रामग्रामका एक युवकलाई अहिले सम्म उनलाई के भएको हो भन्ने थाहा हुन सकेको छैन् । चैत्र ४ गते विरामी भएर पृथ्वी चन्द्र अस्पताल परासीमा पुगेका २५ वर्षिय दिनेश चौधरीको एक्सरे गरेर हेर्दा छातीमा दुवैतिर निमोनियाको दाग देखियो । तर, त्यहाँ बिराम केहो भन्ने पत्ता नलागे पछि उनलाई लुम्बिनी प्रादेशिक अस्पताल, बुटवल लगियो । तर, आइसोलेटेड बेडमा राखेर स्वाब टेष्ट गर्नुको साटो उनलाई त्यहाँबाट चितवन रिफर गरियो ।

चौधरीका आफन्तले उनलाई चितवन भरतपुरको पुरानो मेडिकल कलेजमा लगे । चितवनमा उनको स्क्रब टाइफस, डेंगु र रगत जाँच गरियो र कोरोना भाइरसको संक्रमण हुन सक्ने आशंकामा काठमाडौं रिफर गरियो । काठमाडौंमा उनलाई टेकुस्थित शुक्रराज ट्रपिकल तथा सरुवारोग अस्पताल लैजान भनियो तर टेकुको साटो कलंकीस्थित नेपाल नेशनल अस्पतालमा , सितापाइलाका नीजि अस्पतालमा लगियो । तर उनलाई त्यँहा सम्म पुग्दा पनि अस्पतालहरुले भर्ना लिन नमानेको विरामिका आफन्तले गुनासो गरेका छन् ।

 

काडमाडौं सम्म पुग्दा समेत भर्ना हुन नसकेपछि चौधरीलई फेरी मणिग्रामस्थित क्रिमसन अस्पताल, प्रोदेशिक अस्पताल, देव दह, पृथ्वी चन्द्र सम्म पु¥याइयो । तर त्यहा कतै बेड अभाव त कतै औषधि अभाव भन्दै भर्ना दिन नमानेपछि उनि अलपत्र परे । गाउँमा बिरामी अलपत्र परेको समाचार सार्वजनिक हुदै प्रदेश पाँचका मुख्य मन्त्री शंकर पोखरेरलले सुनेपछि उनको आग्रहमा भने लुम्विनी प्रादेशिक अस्पताल वुटवलले यतिवेला भर्ना लिएको छ । आज भने उनमा कोरोना भाइरसको संक्रमण भए नभएको पत्ता लगाउन स्वाब संकलन गरी राष्ट्रिय जनस्वास्थ्य प्रयोगशाला, टेकु पठाउने तयारी भइरहेको ट । र अहिले उनको बुटवलमै उपचार भैरहेको छ । बिरामी चैधरीको काठमाडौंमा नमुना टेष्ट भैइ रिर्पोट नआउँदा सम्म उनलाई कोरोना हो वा होइन भन्ने पुष्टी हुन सकेको छैन ।

उता, सुरुमा बिरामी भएर भर्ना हुन लगेको पृथ्वीचन्द्र अस्पताल परासीमा आईलोसन वार्डका नाममा बेडहरु मात्रै रहेको तर कुनै पनि सुरक्षाका सामाग्री नभएकाले भर्ना गर्न नसकिएको अस्पतालका चिकित्सक डा. पवन अग्रहरीले वताए । उनले भने यहाँ राखेर उपचार गर्न आवस्यक सामाग्री नभएपछि बुटवल रिफर गरिएको हो ।,