प्रसाईंको आन्दोलनमा जनतामाथि दमन गरेको प्रति वीर गोरखाली आपत्ती, पक्राउ परेका नागरिकको रिहाईको माग

दुर्गा प्रसाईंको आन्दोलनमा आएका जनतामाथि दमन गरेको प्रति वीर गोरखाली पनि आपत्ती जनाएको छ । वीर गोर्खाली अभियानका अभियन्ता सौरभ भण्डारीले विज्ञप्ती जारी गर्दै सरकारले सत्ता र शक्तिको दुरुपयोग गर्दै नागरिकमाथी दमन गरेको प्रति आपत्ती जनाएका हुन् ।

विज्ञप्तीमा भनिएको छ, कथित गणतन्त्रको नाममा सत्ता र शक्तिको दुरुपयोग गर्दै नागरिकमाथी गरिएको ज्यादती एवं दमन प्रती वीर गोर्खाली अभियानको गम्भीर ध्यानाकर्षण भएको छ। शान्तिपूर्ण रुपमा कुनैपनी नागरिकले आफ्नो बिचार राख्न पाउने नैसर्गिक अधिकार माथी अंकुश लगाउन खोजिएको छ । राजाको पालामा बोल्न पाइदैन थियो बोल्न पाउने अधिकार गणतन्त्रले दिएको छ भन्दै जनतालाई भ्रम छर्नेहरुको नेतृत्वको सरकारले आज नागरिकको बोल्न पाउने अधिकार माथी प्रतिबन्ध लगाएको छ ।

२०६२/०६३ मा तत्कालीन सरकारले यसरी दमन र धरकपट गरेको भए गणतन्त्र संभावना थिएन। तर जनता प्रती जिम्मेवार तत्कालीन श्री ५ को सरकारले संबिधानले दिएको नागरिकको अधिकार माथी दमन गरेन । ०६२/०६३ मा नागरिकले आफ्नो बिचार राख्न कसैको अनुमती लिनुपरेन । आज जनताको बोल्न पाउने अधिकार लुटिएकोले लोकतन्त्र लुटतन्त्र हो भन्ने पुनः पुष्टि भएको छ।

यसैक्रममा आज हजारौं नागरिकलाई काठमाडौ लगायत देशका विभिन्न ठाँउहरुमा गरिएको दमन धरकपट र पक्राउ प्रती वीर गोर्खाली अभियान घोर भत्सर्ना गर्दछ। वीर गोर्खाली अभियानका अभियन्ताहरु लगायत पक्राउ परेका हजारौं नागरिकलाई निशर्त रिहाईको माग गर्दछौं । अन्यथा त्यसपछि हुने घटनाको जिम्मेवार सरकारले लिनुपर्छ। सरकारको ज्यादती विरुद्ध एकताबद्ध भएर देशब्यापी बिरोध प्रदर्शन गर्न सबैमा हार्दिक आव्हान गर्दछौं ।