कञ्चनपुर। कञ्चनपुरको वेदकोट नगरपालिकाले ६७ शैयाको क्वारेन्टाईन तयार गरेको छ । नगर प्रमुख अशोक कुमार चन्दको नेतृत्वमा नोबेल कोरोना भाईरस संक्रमितलाई राख्न वेदकोट नगरपालिका ९ सुन्दरपुरस्थीत कृषी तालिम केन्द्रको भवनमा क्वारेन्टाईन निर्माण गरिएको हो ।
वेदकोट नगरपालिकाका प्रमुख अशोक कुमार चन्दले कोरोना विरद्धको सहजकताका लागि तिव्र रुपमा तयारी भईरहेको र नगरको विभिन्न स्वास्थचौकी र सामुदायिक भवनलाई क्वारेन्टाईनका लागि तयारी अवस्थामा राखिएको वताए। उनले सुविधा सम्पन्न क्यारेन्टाईन निर्माण गरिएको रत्यसमा हाल नौ जनालाई राखिएको समेत जानकारी दिए।
उक्त क्वारेन्टाईनलाई नगरपालिकाले आईशोलेसन वार्ड बनाउने तयारी गरेको बताउँदै नगर प्रमुख चन्दले भने ‘हाल सुन्दरपुरमा ६४ शैयाको पुर्ण सुविधाको क्यारेन्टाईन बनाईसकेका छौँ, नगरका अन्य ठाउँहरुमा पनि क्वारेन्टाईन राख्ने तयारी भईरहको छ। साथै उनले भने क्वारेन्टाईन र सर्तकताका लागि आवश्यक स्रोेत साधन र जनशक्ती परिचालन गरिएको छ । त्यस्तै अम्मर सामुदायिक वनको कार्यालय भवनमा पनि ३ शैयाको क्यारेन्टाईन बनाईएको छ ।
यता, वेटकोट नगरपालिका २ को स्वास्थ्य चौकी भवनलाई पनि क्वारेन्टाईन बनाउन आवश्यक तयारी भईरहेको छ, भने वडा नम्बर ३ को जीम हाउसलाई पनी क्वारेन्टाईन बनाउन नगरपालिकाले तयारी थालेको छ । साथै वडा नम्बर ७ को साना सहकारीको भवन पनि क्यारेन्टाईनका लागि तयारी गरिएको छ । ‘पहिलो चरणमा सम्भावित ठाउँहरुलाई क्यारेन्टाईनका लागि छनौट गरेको छौँ ’ नगर प्रमुख चन्दले भने ‘भवन खोजी सकेका छौँ, सुन्दरपुरको क्यारेन्टाई अपुग भएमा अन्य ठाँउमा ब्याट राखेर व्यवस्थापन गछौँ ।’
उसोत, नगर प्रमुख चन्दले नगर क्षेत्रका निजी तथा सामुदायिक विद्यालयलाई सेल्फ क्वारेन्टाईनका लागि उपब्लध गराउन पनि आग्रह गरेका छन् । उनले घरमा सेल्फ क्वारेन्टाईन बस्न ठाउँ अभाव भएका स्थानीयलाई विद्यालयका कक्षा कोठा उपब्लध गराउन आग्रह गरिएको बताए । उनले भने, ‘ठुलो परिवारमा बसेका व्यक्तिलाई छुट्टै सेल्फ क्वारेन्टाईनमा बस्न समस्या हुन सक्छ, त्यस्तो अवस्थामा विद्यालयका कक्षा कोठाको व्यवस्थापनका लागि सम्बन्धित निकायलाई भनेका छौँ, साथै त्यसको व्यवस्थापनका लागि जनप्रतिनिधि साथिहरु जिम्मेवारीका साथ खटिनु भएको छ ।’
यति मात्रै होइन नगर प्रमुख चन्द खाद्य तथा स्वास्थ्यको उच्च जोखिम रहेका क्षेत्रमा आफै अनुगमनमा खटिएका छन् । देशभर लकडाउन गरिएका बेला पर्ने उच्च जोखिम रहेको क्षेत्रमा नगरपालिकाले अनुगमन गर्न थालेको हो। नगर भित्रका वृद्धमश्रमहरुमा वृद्धवृद्धाको स्वास्थ्य अवस्था र खाद्यन्नबारे जानकारी लिदै नगर प्रमुख स्वयम समाधानका लागि खटिएका छन् । उनले सुकुम्बासी बस्तीको पनि अनुगमन गरेका छन्
भारतबाट फर्किएका ७ सय ३२ जनाको तथ्याङ्क संकलन
बेदकोट नगरपालिकाले नगरभित्र भारतबाट फर्किएकाहरुको विवरण संकलन गरेको छ । चैत्र १० गतेदेखि घरदैलो कार्यक्रम गर्दै नगरवासीहरुको विवरण संकलन गरेको हो ।
शुक्रवारसम्मको तथ्याङ्क अनुसार नगरभित्र ७ सय ३२ जना भारतबाट फर्किएका छन् । ‘उनहरुको ‘घर–घरमा गएर विवरण संकलन गरिए संगै ‘उनिहरुलाइ होम क्वारेन्टाइनमा बसेर सतर्क रहन पनि आग्रह गरिएको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
