काठमाडौँ। राजा ज्ञानेन्द्र शाह र वडामहारानी कोमल शाह स्थलमार्ग हुँदै स्वदेश फर्किनु भएको छ । उहाँ बुधबार अपराह्न साढे चार बजे झापाको बिर्तामोड आइपुग्नु भएको हो ।
पूर्वी नेपालको सिमानाका काकडभिट्टा हुँदै उहाँ स्वेदश फर्किनु भएको हो। उहाँ अझै केही दिन दमकमा रहेको आफ्नै हिमालय महालक्ष्मी चिया बगानमा रहनुहुने राजाका सम्बाद सचीव फणिराज पाठकले जानकारी दिनुभयो। राजा शाह दम्पती पुस २ गते स्थलमार्ग हुँदै भारतको पश्चिम बंगालको सिलिगुडी पुग्नु भएको थियो।
पछिल्लो समय नेपालमा बढ्दै गएको गणतन्त्र विरोधी असन्तुस्टि र राजसंस्थाको पक्षमा देखिएको सक्रियताका बीच भएको यस भ्रमणलाई राजनीतिक वृत्तमा अर्थपूर्ण रूपमा हेरिएको छ।
यद्यपि, राजाले विगतमा पनि स्वास्थ्य परीक्षण, धार्मिक यात्रा र पारिवारिक भेटघाटका लागि भारत भ्रमण गरिराख्नुहुने भएकाले यसलाई विशुद्ध निजी र पारिवारिक भ्रमण हुनसक्ने अनुमान पनि गरिएको छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
