रूपन्देही । रूपन्देहीको राजनीतिक वृत्तमा नयाँ विकल्प र रूपान्तरणको नारासहित क्याप्टेन प्रेम कुँवरको सभापतित्वमा २१ सदस्यीय 'जय नेपाल पार्टी' रूपन्देही जिल्ला कार्यसमिति सर्वसम्मत रूपमा गठन भएको छ।
जिल्लामा पार्टीको सङ्गठन विस्तार र राजनीतिक गतिशीलतालाई तीव्रता दिने उद्देश्यका साथ नयाँ कार्यसमिति घोषणा गरिएको हो। अनुभवी र युवा नेतृत्वको समन्वय रहेको यस समितिले देश र जनताको पक्षमा नयाँ राजनीतिक विकल्प प्रस्तुत गर्ने दृढ सङ्कल्प लिएको जय नेपाल पार्टीका संगठन विभाग प्रमुुख प्रज्वल बोहराले जानकारी दिए ।
पार्टी गठनकै अवसरमा विभिन्न राजनीतिक दल परित्याग गरी ६५ जनाभन्दा बढी जोशिला युवा तथा समाजका विभिन्न व्यक्तित्वहरू 'जय नेपाल पार्टी'मा प्रवेश गरेको थापाको भनाई छ ।
नयाँ प्रवेशीहरूलाई पार्टी नेतृत्वले स्वागत गर्दै जिम्मेवारी हस्तान्तरण गरेको छ। पहिलो चरणमै व्यापक सङ्ख्यामा भएको पार्टी प्रवेशले रूपन्देहीमा जय नेपाल पार्टीको आधार सुदृढ र बलियो बनेको दाबी गरिएको छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
