आश्विन दानी,गोरखा । गोरखाका एक युवाले घरेलु सामानबाट अण्डा कोरल्ने मेसिन एगइन्क्यूवेटर बनाएर सफल परिक्षण गरेकाछन् । रोजगारीकालागी जापानजाने तयारी गरिरहेका २३ बर्षिय योहोन्ना तामाङले लकडाउनको समय सदुपयोग गरी युट्युवमा अपलोड गरिएको भिडीयो हेररै एगइन्क्यूवेटर बनाएका हुन ।
लकडाउनमा समयको सदुपयोग गर्र्दै गोरखाका तामाङले अण्डा कोरल्ने मेसिन बनाएर प्रमाणित गरेका छन् । गोरखा सदरमुकाममा रहेकोे गोरखा क्याम्पसमा विज्ञान बिषयमा तेस्रो बर्षमा अध्यनरत तामाङले लकडाउन अघि नै आफ्नो अध्ययनलाई बिचमै ंबिट मारेर रोजगारीकालागि जापानजाने तयारी गरिरहेका थिए । तर, लकडाउन नसकिँदै उनले जापानजाने सोच परिवर्तन गरे । लकडाउनकै समयमा उनले घरेलु सामानबाट अण्डा कोरल्ने मेसिन बनाएर सफल परिक्षण गरेका छन् ।
उनले पहिलो चरणमा ५० ओटा अण्डा हालेर परिक्षण गरेकोमा ९५ प्रतिशत अण्डाबाट चल्ला उत्पादन गरे । पहिलो परिक्षण सफलभएलगत्तै उनले दोस्रो पटक करिब एक सय वटा अण्डा कोरोल्न हालेका छन् । तामाङ लकडाउन पछि बिदेशजाने रहरलाई त्यागेर अब आफ्नै ठाउँमा एगइन्क्यूवेटरको उत्पादनलाई ब्यबसायिक ढङ्गबाट अघि बढाउने बताउँछन् ।
तामाङ जस्तै धेरै युवाहरुसँग ज्ञान, सिप र क्षमता भएका छन् तर, आवश्यक लगानी नहुदा विदेशिन बाध्य भएका छन् । सरकारले हरेक बर्ष युवा स्वरोजगारकालागि भन्दै करोडौँ बजेट बिनियोजन गरेपनि सम्बिन्धीत ब्यक्तिले नपाउँदा हरेक महिनालाखौँ युवाहरु कामकालागी बैदेशिक रोजगारिमा जाने गर्दछन् । तसर्थ सरकारले युवाहरुलाई उनिहरुको ज्ञान र सिपको आधारमा लगानिगरी स्वदेशमै रोजगारिको बतावरण श्रृजना गर्न जरुरी देखिन्छ ।
https://youtu.be/kZuqbzNWcjw?list=UUZ6S1VeveFMAQAAVoKYvq8A
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
