भारतको विभिन्न शहरहरूमा अलपत्र परेका नेपालीलाई राप्रपा प्रवास विभागको सहयोग

काठमाडौं । लकडाउनको कारण भारतको विभिन्न शहरहरूमा अलपत्र परेका,खाध संकट झेलेका नेपालीहरूलाई राप्रपा प्रवास विभागको पहलमा उद्धार तथा खाधान्न उपलब्ध गराउन पहल गरिएको छ ।

भारतमा रहेका दाताहरूको सहयोगलिई विभागले अलपत्र परेका नेपालीहरूलाई खाधान्न,मेडिकल कीट,लगायत अन्य सहयोग पुर्याउन सुरू गरेको हो । यसै सिलसिलामा सिलुगडिमा अलपत्र परेका नेपाली विधार्थिहरूलाई राप्रपा नेता राजाराम वर्तौलाको आग्रहमा सहयोग गरिएको छ ।

हेटौडा लगायत अन्य विभिन्न जिल्लाका ५३ विधार्थिहरूलाई विगत दुई हप्ता देखि लक डाउन नखुलुन्जेल सम्म खाना र मेडिकल सामान उपलब्ध गराईएको हो । यस्कालागि सिलगडिका भानुभक्त सेवा समिति मार्फत राजेश मण्डल ,शिवु क्षेत्री लगायतले सहयोग गरेका छन् ।

त्यस्तै महाराष्ट्रको पुणेमा अलपत्र परेका दैलेख लगायत पश्चिमका दाजुभाई दिदीबहिनीहरूलाई राप्रपा नेतृ तथा पूर्व मन्त्री कुन्तीकुमारी शाही र भारतको पुणेमा बस्ने नेत्र वहादुर शाहीको आग्रहमा पुणे निवासी व्यवसायी परिबाट सोमबार करिव ५ दर्जन नेपालीहरूलाई खद्यान्न सहयोग गरिएको छ ।

यी सवै कार्यको व्यवस्थापन प्रशिद्ध हेयर स्टाईलिस्ट व्यवसायी निलडेविट कटुवालको अगुवाइमा भएको राप्रपा प्रवास सम्वद्ध नेता विजय खडकाले जानकारी दिए । नेता खड्काले भारतको अन्य शहरहरूमा खाद्य संकट झेलेका प्रवासी नेपालीहरूको सुचना आईरहेको र उनिहरुको पनि समस्या समाधान गर्दैजाने प्रयास भईरहेको वताए ।

प्रवास भारतमा रहेका लाखौं नेपाली नेपाल आउने वातावरण तयार गर्न पनि उनले सरकारसंग माग गरेका छन्। प्रवासमा रोजगारि गुमाएर नेपाल फर्कने नागरिकलाई उचित व्यवसायीक ,आर्थिक ,शैक्षिक र स्वास्थ्य लगायतको परामर्श दिन राप्रपा प्रवास विभागले विज्ञहरूको हेल्प डेस्क राख्ने सोच बनाएको उनको भनाइ छ ।