काठमाडौं । विश्वभर कोरोना संक्रमणबाट मृत्यु हुनेको संख्या चार लाख नाघेको छ ।
केहीबेर अघिको तथ्याङ्क अनुसार कोरोना संक्रमणबाट मृत्यु हुनेको संख्या ४ लाख एक हजार ६ सय नाघेको हो । संक्रमितको संख्या ६९ लाख ६७ हजार नाघेको छ भने ३४ लाख ५ हजार भन्दा बढी उपचारपछि निको भइ घर फर्केका छन् ।
पछिल्लो २४ घण्टामा ब्राजिलमा ९ सय १० जनाको मृत्यु भएको छ भने २७ हजार ५ सय ८१ संक्रमित थपिएका छन् । सोही अवधिमा अमेरिकामा ७ सय ६ जनाको मृत्यु हुँदा २२ हजार ७ सय ५३ संक्रमित थपिएका छन् । यस्तै, एकैदिन मेक्सिकोमा ६ सय २५ जनाको मृत्यु भएको छ भने ४ हजार ३ सय ४६ संक्रमित थपिएका छन् ।
सोही अवधिमा भारतमा २ सय ९७ जनाको मृत्यु हुँदा १० हजार ४ सय ३८ संक्रमित बढेका छन् । यस्तै, बेलायतमा २ सय ४ जनाको मृत्यु हुँदा १५ सय ५७ नयाँ संक्रमित थपिएका छन् । रुसमा पनि १ सय ९७ जनाको मृत्यु भएको छ भने ८ हजार ८ सय ५५ संक्रमित बढेका छन् ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
