मुक्ति न्यौपाने, पाल्पा । रम्भा गाउँपालिका–१, पाल्पामा बाढीले बगाउँदा एक युवाको मृत्यु भएको छ । आफ्नै खेतमा भल तर्काउन गएका ३० वर्षीय दिनेश अर्यालको मृत्यु भएको जिल्ला प्रहरी कार्यालयले जनाएको छ ।
राती अन्दाजी १ बजे खेतमा पसेको भग तर्काउन गएका दिनेशको मृत्यु भएको रम्भा गाउँपालिकाका प्रवक्ता कृष्ण प्रसाद रेग्मीले बताए । मृतक दिनशको शव गेगरले पुरेको अवस्थामा भेटिएको वडाध्यक्ष समेत रहेका रेग्मीले बताए । रम्भा गाउँपालिकाको वडा नं. १ देखी वडा नं. २ को फोक्सिङकोट जाने सडकबाट आएको भलले बगाउँदा रम्भा गापा १ असेर्दीका दिनेश अर्यालको मृत्यु भएको स्थानीय दिपक पौडेलले बताए ।
उनको शव टाउकोमात्र देखिएको अवस्थामा भेटिएको थियो । मृतकका दाई भने सकुशल रहेका छन् । आफ्नै खेतमा जादा ढुङ्गा माटो सहित पहिरोको भलले बगाई अम्दाजी १० मिटर तल मृत अवस्थामा फेला परेको शव बारे थप अनुसन्धान कार्य जारी रहेको जिल्ला प्रहरी कार्यालयले जनाएको छ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
