अविरल वर्षाका कारण पहिरोमा परि घरबारबिहिन भएकाहरूलाई राहत बितरण

नुवाकोट,साउन १६ नुवाकोट जिल्लाको बेलकोगटगढी नगरपालिकामा अविरल वर्षाका कारण पहिरोमा परि घरबारबिहिन भएकाहरूलाई राहत बितरण गरिएको छ । दुइपिपल इन्भेस्टमेन्ट कम्पनीले बुधबार एक कार्यक्रम गर्दै पहिरोबाट घरबारबिहिन भएका वडा ५ र ६ का ५ घरपरिवारलाई प्रती घर १० हजारका दरले राहत बितरण गरिएको दुइपिपल इन्भेस्टमेन्ट कम्पनीका सचीव राजेन्द्र बांस्कोटाले जानकारी दिए ।

राहत पाउनेहरुमा बेलकोटगढी नगरपालिका वडा ५ का तुलसी दास श्रेष्ठ ,लालबहादुर श्रेष्ठ,रामकृष्ण श्रेष्ठ लक्ष्मी बर्देवा,र वडा ६ का उद्दव नेपाल रहेका छ्न । सचिव बांस्कोटाका अनुसार कम्पनीले यसअघि पनि उक्त नगरपालिकाका विभिन्न गाउँहरुमा कोरोना भाइरस (कोभिड-१९)बारे जनचेतना मुलक कार्यक्रम तथा माक्स,पन्जा,सेनिटाइजर बितरण गरिएको पनि जानकारी दिनु भयो ।आफ्नै गाउँ ठाउँमा यस्तो आपत बिपत पर्दा,तथा सामाजिक कार्यमा केही सहयोग गर्ने उदेश्यले नै उक्त क्षेत्रबाट काठमाडौमा आइ आआफ्नो पेशा गर्ने युवाहरुले कम्पनी स्थपना गरेर यस्तै सामाजिक कार्य गर्दै आइरहेका छौ,सचीव बांस्कोटा बताए  ।कार्यक्रममा इन्भेस्टमेन्ट कम्पनीका अध्यक्ष नवराज गर्तौला,कोषाध्यक्ष मंगलबहादुर श्रेष्ठ,सचीव राजेन्द्रप्रसाद बांस्कोटा,सल्लाहकार दशरथ लामिछाने लगायतका प्रतिनिधिहरुको उपस्थिति रहेको थियो।

गत शनिबार रातभर भएको अविरल बर्षाका कारण आएको पहिरोले घर भत्किदा बेलकोटगढी नपा–८ हर्रेमा ६८ बर्षिय अक्कलबहादुर तामाङको मुत्यु भएको थियो । यस्तै बेलकोटगढी नपा वडा नंं। ५ दुईपिपल डबली नजिकै रहेको मांझ गाउँमा पाँच घर पुरिएको थियो । भने २ वटा भैसी र २० वटा भन्दा बाख्रासमेत पहिरोले पुरेको थियो । पहिरोको कारण उक्त क्षेत्रमा रहेका ४० घर भन्दा बढी जोखिममा परेको छ ।