मुक्ति न्यौपाने, पाल्पा । पाल्पाको निस्दी गाउँपालिका–५, गल्धामा भएको जीप दुर्घटना हुँदा २ जनाको मृत्यु भएको छ । दुर्घटनामा ६ जना घाइते भएका छन् । लु १ ज २८८७ नम्बरको जीप मंगलबार साँझ गल्धाको पटकसर नजिकै दुर्घटना भएको बताईएको छ ।
जीप दुर्घटनामा निस्दी गाउँपालिका–५, गल्धा गावुडाँडाका ६३ वर्षिय ठाकुर प्रसाद फाल र निस्दी गाउँपालिका–४, मित्यालका ३ महिने नाम नखुलेका बालकको घटना स्थलमै ज्यान गएको रुक्सेभन्ज्याङ प्रहरी चौकी मित्यालले जनाएको छ ।
दुर्घटनामा निस्दी–५ गल्धा, पटकसरका ३८ वर्षिया सुमित्रा सारु, ३६ वर्षिय सेरमती सारु, २० वर्षिय लक्ष्मी सारु र ३७ वर्षिया तिलकुमारी सारु, निस्दी–४, मित्याल झ्यालटुङका २५ वर्षिय सृजना गाहा, निस्दी ४ मित्याल , काफलका २२ वर्षिय विष्णु माया सारु घाइते भएका छन् ।
गाडीमा चालक सहित १० जना रहेको स्थानियले जनाएका छन् । जीप सडकबाट करिब ७ सय मिटर तल झरेको छ । दुर्घटना पछि चालक र सह चालक फरार रहेको बताइएको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
