सिराहाको जनता आधारभुत विद्यालयका प्रअको मनोमानी, महिनामा ४ दिन विद्यालयमा उपस्थिति

सिराहा,मुकेश
सिराहाको जनता आधारभुत विद्यालय, नगरहा गाउपालिका ३ बत्राही खोरीयाका प्रधानाध्यापकले विद्यार्थी संख्या बढी देखाएर सुविधा लिने गरेको खुलेको छ । हाजिरी रजिष्टरमा एक सय ७६ विद्यार्थीको नामाङ्कन रहेको तर, विद्यालयमा भने २० जना विद्यार्थी उपस्थित हुने गरेको स्थानीय अभिभावहरु बताउँछन् ।
विद्यालयको रजिष्टरमा कक्षा १ मा ४१, कक्षा २ मा ५८, कक्षा ३ मा ३५ र कक्षा ४ मा ४२ जनाको नामाङ्कन गरिएको छ । तर विद्यालयमा कक्षा एक र २ मा चार जना र कक्षा ३ र ४ मा ११ जना गरी १५ जना विद्यार्थीको उपस्थिति छ । प्रयाप्त बिद्यार्थी संख्या नभएपछि शिक्षक घाम तापेर वसिरहेका हुन्छन् । भएका विद्यार्थीहरुपनि शिक्षकहरुको लापवार्हिका कारण खेलेर बसिरेहेका हुन्छन् ।

महिनामा २/४ दिनमात्र बिद्यालयमा आउने गरेका प्रद्यानाध्यापक दिनको १२ वजे मात्रै आइपुग्छन् । प्रद्यानाध्यापकले नै पढाइका लागि लापवार्हि गरेरपछि अन्य शिक्षकले के गर्लान सहजै अनुमान गर्न सकिन्छ । यता, विद्यार्थीहरुपनि शिक्षकले नै मनोमानी गर्न थालेपछि पढाइ भन्दा पनि अन्यत्र ध्यान दिन थालेका छन् ।

यता विद्यालय व्यवस्थापन समिति का अध्यक्ष राजदेव यादवले पनि विद्यालयको पढाइ खस्किदै गएको प्रति पटक पटक प्रद्यानाध्यापक संग छलफल गरेको भएपनि सुनुवाइ नभएको गुनासो गरे ।

नरहा गाउँपालीका शिक्षा शाखाले आफुहरु अनुगमनमा जाँदा विद्यालयको यो अवस्था देखेकाले अव विद्यार्थीको उपस्थिती हेरेर मात्रै सेवा सुविधा दिने बताएको छ ।

विद्यालय प्रध्याननाध्यापक रामकुमारी यादव सोही क्षेत्रका सासंद तथा पूर्व सूचना तथा संचार मन्त्री राजकिशोर यादवकी बहिनी हुन् । सासंद यादवकै धाक धम्की देखाई समयमा उपस्थित नभएपनि सहजै सम्पुर्ण सेवा सुविधाहरु पाउने गरेको स्थानियहरु बताउँछन । विद्यालयमा प्रधानाध्यापक सहित ३ जना राहत शिक्षक र एक कार्यालय सहयोगी छन् ।