काठमाडौं । काठमाडौं उपत्यकाको निषेधाज्ञा एक साता लम्बिएको छ । काठमाडौं, ललितपुर र भक्तपुरका प्रमुख जिल्ला अधिकारीको संयुक्त बैठकले उपत्यकाको निषेधाज्ञा थप कडाइसहित आउँदो बैशाख २९ गते राति १२ बजेसम्मका लागि लम्ब्याउने निर्णय गरेको हो ।
भक्तपुरका प्रमुख जिल्ला अधिकारी प्रेमप्रसाद भटराईले उपत्यकाको निषेधाज्ञा एक साता लम्बिने भएको बताए । उनका अनुसार अबको निषेधाज्ञा थप कडा हुनेछ । बिहीवारदेखि नयाँ मापदण्डसहितको निषेधाज्ञा लागू गरिने पनि बैठकले निर्णय गरेको छ । साथै पसल खोल्ने समय पनि परिवर्तन गरिएको छ । अब खाद्यन्न तथा फलफुल पसल बिहान नौ बजेसम्म मात्र खोल्न पाउने व्यवस्था गरेको छ ।
बैठकले यस्तै सरकारी कार्यालयमा २५ प्रतिशत कर्मचारी उपस्थित भएर काम गर्ने तथा बैंकको केन्द्रीय कार्यालयमा २० प्रतिशत मात्रै कर्मचारी उपस्थित भएर काम गर्न पाउने निर्णय गरेको छ । बैठकले पत्रकारलाई पनि अनिवार्य सुचना विभागको पास देखाउनेपर्ने निर्णय गरेको छ । यस्तै बैठकले सबै बैंकले जिल्लामा रहेका आफ्ना शाखामध्ये २५ प्रतिशत शाखा मात्रै खोल्न पाउने भएका छन् ।
बैठकले यसअघि जारी गरेका सबै पास खारेज गर्दै अब मृत्यु संस्कार लगायत अत्यावश्यक काममा मात्रै पास जारी गर्ने निर्णय पनि गरेको छ । ९ बजेसम्म मात्र कायम गरिएको छ । उपत्यकामा यसअघि गएको १६ गते जारी भएको निषेधाज्ञा बुधवार राति सकिँदैछ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
