जीवन न्यौपाने, नवलपरासी ।
पूर्व–पश्चिम राजमार्गको बर्दघाट–दाउन्ने सडकखण्डमा बस दुर्घटनामापरी चारजनाको मृत्यु भएको छ । काठमाडौंबाट रुकुम पश्चिमका लागि छुटेको ना ५ ख २७१३ नम्बरको बस आज बिहान ६ बजे सिस्नेखोला नजिकै दुर्घटना भएको हो ।
दुर्घटनामा ४ जनाको मृत्यु भएको छ भने ३५ जना घाइते भएका छन् । मृतक मध्ये रुकुम पश्चिम घर हुने २७ वर्षीय कल्पना पुनको सनाखत भएको छ भने बाकी ३ जनाको सनाखत नभैसकेको ट्राफिक प्रहरी कार्यालय पश्चिम नवलपरासीका ट्राफिक प्रहरी निरीक्षक बासु नेपालले जानकारी दिनुभयो । बसमा अन्दाजी ४५ यात्रु रहेको र घाइतेहरुलाई घटनास्थलबाट उद्दार गरि केहिलाई बुटवल र केहिलाई स्थानीय चिसापानी अस्पतालमा पठाईएको प्रहरीले जनाएको छ । बस घटनास्थलबाट २०० मिटर तल खसेको र निकै अप्ठेरो ठाउँमा भएकाले उद्धार कार्यमा समस्या भएको प्रहरीको भनाइ छ । एक जना मृतक अझै पनि बस मुनि च्यापिएको अवस्था रहेको छ भने थप जानकारी आउन बाकी छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
