विपतमा दिन्छ राप्रपाले साथ

दोलखा । राष्ट्रिय प्रजातन्त्र पार्टीका केन्द्रीय कार्यसम्पादन समितिका सदस्य विजय खड्काले कोभिड १९ महामारी बीच दोलखा जिल्लामा अग्रिम मोर्चामा खटिएका स्वास्थ्यकर्मी,नेपाली सेना, नेपाल प्रहरी, नेपाल पत्रकार महासंघ, एफएम, अनलाइन लगायतमा कार्यरतका लागि तथा स्वास्थ्य चौकीहरूको लागि सेनेटाइजर, मास्क लगायतका स्वास्थ्य सामग्री वितरण गरेका छन् ।

उनले राप्रपा दोलखाका अध्यक्ष तथा नेपाल चेम्बर अफ कमर्सका अध्यक्षमार्फत स्वास्थ्य सामग्री हस्तान्तरण गरेका हुन् । हस्तान्तरण कार्यक्रमलाई सम्बोधन गर्दै खड्काले विपत्तिको बेलामा राप्रपा सधैं दोलखा जिल्लावासीको साथमा रहेको वताए ।

उनले विगतमा पनि अक्सिजन हाईड्रोजन मेसिन राप्रपाको पहलमा जिल्ला अस्पतालमा हस्तान्तरण गरिएको, आगामी दिनमा राप्रपाकै पहलमा अक्सिजन कन्सन्ट्रेटर लगायतका सामानहरू हस्तान्तरण गरिने वताए । विपतको बेलामा सहयोग गर्ने प्रवासमा रहनु हुने साथीहरूले आफ्नो गाँस कटाएर सहयोग गरेको सामग्री समुदायमा पुग्ने र पूर्ण सदुपयोग हुने उनले वताए ।

ग्लोबल चिम्से सोल अर्गनाइजेसनका अध्यक्ष पारस राई, अमेरिकामा रहेका सुवास पोखरेल, कोरियामा रहेका उद्वव दाहाल, छवि ओझा लगायतको ८५ हजार ४४७ रुपैयाँको सहयोगमा उक्त सामाग्री हस्तान्तरण गरिएको हो । उक्त अवसरमा राप्रपा कार्यसम्पादन समितिका सदस्य प्रवीणकुमार थोकरले सबै सहयोगी मनहरूलाई धन्यवाद व्यक्त गरे ।

राप्रपा जिल्ला अध्यक्ष राजनबहादुर शिवाकोटी र दोलखा चेम्बर अफ कमर्सका अध्यक्ष विष्णु श्रेष्ठले उक्त सामग्री समुदायमा पारदर्शी तरिकाले हस्तान्तरण गरिने वताए ।