किन लुकाइयो चितवनको दियालो दरवार ?

चितवन,

चितवन पर्यटन वर्ष २०२० को तयारी तीव्र भइरहँदा चितवनको ऐतिहासिक र पर्यटकीय महत्वपूर्ण दियालो दरबारको भने कहिँ कतैबाट चर्चा सुनिएको छैन ।

चितवनले समेत आफ्ना पर्यटकीय गन्तव्यहरुमा दियालो दरवार समावेश नगर्नु दुखद भएको पर्यटन व्यवसायीहरुको गुनासो छ । नेपाल ट्रष्टको स्वामित्वमा रहेको यस महत्वपूर्ण र ऐतिहासिक दियालो दरबार हेर्ने अवसर नेपाली सेना र सरकारका विशेष अधिकारी बाहेक अन्यले कमै पाउने गरेका छन् । पर्यटकीय गन्तव्यका रुपमा परिचित चितवनमा रहेको दियालो दरबार हेर्न सर्वसाधारण त परको कुरा चितवनका सरकारी अधिकारी, जनप्रतिनिधि, पर्यटन व्यवसायी उद्योगी र उद्योग वाणिज्य संघका पदाधिकारीहरुले समेत अवसर पाएका छैनन् ।

राजसंस्थाको मुख्य दरबार नारायणहिटी सर्वसाधारणका लागि पाटी समेत खान मिल्ने गरी भोजन गृहका रुपमा विकास भयरहदा दियालो दरबार भने लुकाइनु दुःखद भएको चितवनका पर्यटन व्यवसायीहरु गुुुनासो छ । नेपाली सेनाको घेरामा रहेको जंगलभित्र एकान्तमा दियालो बंगला दरबार छ । जुन दरवारलाई पर्यटकीय क्षेत्रका रुपमा विकास गर्न आवश्यक रहेको उद्योग वाणिज्य महासंघका उपाध्यक्ष राजन गौतमको भनाइ छ ।

शाहवंशीय राजाहरूको शितकालीन दरवार हो यो । राजा महेन्द्रले यसको निर्माण गर्न लगाएका थिए । यो दरवार नारायणी नदी किनारमा देवघाट जाने सडक तथा राजधानी जाने सडक मार्गको चोकमा छ । दरवारमा सबैभन्दा धेरै बस्ने राजा महेन्द्र हुन् भने राजा वीरेन्द्र पनि माघेसंक्रान्तिको अवसर परेर बस्ने गर्थे भने, पुर्वराजा ज्ञानेन्द्र शाह पनि यहाँ पुगेको त्यहा ँकबार्यरत कर्मचारी घनश्याम केसी बताउछन् ।

चितवन जिल्लाको नारायणगढ बजार नजिक रहेको दियालो बंगाला दरबार सर्वसाधारणका लागि खुला गर्न सके यसले चितवनको पर्यटन विकासमा महत्वपूर्ण योगदान पुग्न देखिन्छ । हाल सेनाको संरक्षणमा दरबार र यसको संरक्षित भूमि भने अतिक्रमणबाट बचेको छ । त्यसैले दरबार नेपाली सेनाकै संरक्षणमा रहने गरी सर्वसाधारणका लागि भने खुल्ला गर्नुपर्ने आवाज उठ्न थालेको छ ।