काठमाडाैँ । नेपाल पर्यटन बोर्डले प्रमुख कार्यकारी अधिकृत डा धनञ्जय रेग्मीलाई कामकाजमा रोक लगाउने निर्णय गरेको छ। शुक्रबार बसेको बोर्ड बैठकले रेग्मीलाई निलम्बन गरी उनीमाथि लागेको आरोपको छानबिनका लागि समिति गठन गरेको छ ।
बोर्डका उपाध्यक्ष चन्द्र रिजालको नेतृत्वमा तीन सदस्यीय छानबिन समिति गठन भएको हो । तीन सदस्यीय समितिमा दुई जना मन्त्रालयबाट नियुक्त गरिने छ।
सीईओ रेग्मीलाई कामकाजबाट रोक लगाइएपछि बोर्डकी वरिष्ठ निर्देशक नन्दिनी थापा लाहेलाई कामु सीईओको जिम्मेवारी दिएको छ ।
गत २३ कात्तिकमा बेलायतबाट फर्किने क्रममा त्रिभुवन अन्तर्राष्ट्रिय विमानस्थलमा भन्सारका कर्मचारीलाई रक्सी खाएर हातपात गरेको आरोप सीईओ रेग्मीमाथि लागेको थियो ।
रेग्मीले यसअघि विदेशबाट फर्किँदा त्रिभुवन अन्तर्राष्ट्रिय विमानस्थलमा कर्मचारीसँग लफडा गरेको, बोर्ड हित विपरीत काम गरेको भन्ने आरोप लगाउँदै समितिले छानविन गर्न लागेको हो।
समिति बनाएपछि प्रमुख कार्यकारी अधिकृतबाट बोर्डको हित विपरीत हुने देखिएमा समितिले रेग्मीलाई निलम्बन गर्नसक्ने छ। समितिले छानविन प्रतिवेदन बुझाएपछि समितिले स्पष्टीकरण सोध्ने छ। प्रमुख कार्यकारीले दिएको स्पष्टीकरणमा चित्त नबुझेमा समितिले बर्खास्त गर्न सक्ने छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
