छिमेकीको विवाहमा गएका ब्यक्तिको रहस्यम मृत्यु, वडाध्यक्ष सहित ४ जना पक्राउ

काठमाडौ । सल्यानमा छिमेकीको विवाह भोज खान गएका व्यक्तिको रहस्यमय मृत्यु भएको घटनामा वडाध्यक्ष सहित ४ जना पक्राउ परेका छन् । छिमेकीको विवाहमा गएका ७० वर्षीय टेकबहादुर खत्रीको रहस्यम निधन भएको थियो । उनी गत मंसिर २० गते दार्मा गाउँपालिका(२ पाजाखोलामा मृ त फेला परेका थिए । प्रहरीले वडा अध्यक्ष डिल्लीबहादुर केसी, स्थानीय ३६ वर्षीय रामबहादुर खत्री, ४७ वर्षीय कुलबहादुर खत्री र २८ वर्षीय लक्ष्मण केसीलाई पक्राउ गरेको हो ।

खत्री वडाध्यक्ष केसीले चलाएको मोटरसाइकलमा चढेर भोज खान गएका थिए । उनको सोही मोटरसाइकलवाट खसेर निधन भएको बताइएको छ । मृत्यु पछि खत्रिको शव वडाध्यक्ष केसीले गोठमा लगेर राखेको अनुसन्धानवाट खुलेको छ । शव गोठमा लगेर राख्न स्थानीयले सहयोग गरेको खुल्न आएपछि पक्राउ गरिएको जिल्ला प्रहरी कार्यालयका प्रवक्ता श्यामप्रकाश यादवले बताए ।

आरोपी सबैलाई ईलाका प्रहरी कार्यालय थारमारेको हिरासत कक्षमा राखेर अनुसन्धान भइरहेको उनले जानकारी दिए । मृ त कका आफन्तले घटना रहस्यमी भन्दै उनीहरु विरुद्ध किटानी जाहेरी दिएपछि प्रहरीले रामबहादुर, कुलबहादुर र लक्ष्मण खत्रीलाई मंसिर २७ गते पक्राउ गरेको र वडाध्यक्ष खत्रीलाई पुस ५ गते पक्राउ गरेको हो ।

खत्री वडाध्यक्ष केसीले चलाएको मोटरसाइकलबाट लडेर मृत्यु भएको आफन्तले बताउँदै आएका छन् । प्रहरीले वडा अध्यक्ष केसीले चलाउँदै आएको दार्मा गाउपालिकाको लू ७१ प ३९२७ नम्बरको मोटरसाइकल समेत नियन्त्रणमा लिएको छ ।