काठमाडौ । रोल्पामा नेपाली कांग्रेसका दुई नेताको घरमा आगजनी भएको छ । एक जनाको घरमा आगजनी भएको छ भने अर्काको मोटरसाइकल ज ला इएको छ । घटनामा संलग्नहरुको पहिचान भएको छैन । प्रहरीले घटनाको अनुसन्धान सुरु भएको जनाएको छ । नेपाली कांग्रेस रोल्पाका सहसचिवको मोटरसाइकल र अर्का एक नेताको घरमा आगजनी भएको प्रहरीले जनाएको छ।
सहसचिव सुनिलकुमार वलीको रा ५ प ९५२१ नम्बरको मोटरसाइकल आइतबार अज्ञात समूहले आगजनी गरेको हो। कांग्रेस रोल्पा उपसभापति हरिबहादुर पुन, सचिव शेरबहादुर थापा र सहसचिव सुनिलकुमार वली श्रद्धाञ्जली सभामा पुगेका थिए।
गंगादेव गाउँपालिका ४ का पार्टी वडा कार्यसमिति सदस्य गनबहादुर डाँगीको १३ औं पुन्यतिथिमा आइतबार श्रद्धाञ्जली सभा भएको थियो। उक्त कार्यक्रमका लागि सहसचिव वली मोटरसाइकलमा गएका थिए। उनी सवार रहेको उक्त मोटरसाइकल अज्ञात समूहले आगजनी गरेको हो।
श्रद्धाञ्जली कार्यक्रम सकेर नेताहरू स्थानीय गंगादेव गाउँपालिका ५ का नदु डाँगीको घरमा बसेको आशंकामा अज्ञात समूहले उक्त घरमा पनि आगजनी गरेका छन्। घर र मोटरसाइकलमा आगजनी गर्ने समूहलाई खोजी गरी कानुनी कारबाही गर्न रोल्पा कांग्रेस सभापति किशोरकुमार आचार्यले आज विज्ञप्ति निकालेर माग गरेका छन्।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
