काठमाडाैं । पश्चिमी न्यूनचापीय प्रणालीको प्रभावका कारण देशभर बदली रहेको छ ।पहाडी भेगमा बाक्लो कुहिरो लागेको छ । तराई हुस्सुले ढाकेको छ । आज (बुधबार) देशभर सामान्यदेखि पूर्ण बदली रही धेरै स्थानमा हल्कादेखि मध्यम वर्षाको सम्भावना छ ।
उच्च हिमाली तथा पहाडी भेगमा हल्का हिमपातको सम्भावना रहेको मौसम पूर्वानुमान महाशाखाले जनाएको छ ।उच्च पहाडी क्षेत्रमा हिमपात र तराईमा हुस्सु लागेका कारण जनजीवन प्रभावित हुँदै छ । महाशाखाका अनुसार देशका केही स्थानहरूमा हल्कादेखि मध्यम वर्षाको सम्भावनासमेत छ ।
चिसो बढ्नेक्रमा रहेकाले सुरक्षा र सतर्कता अपनाउन महाशाखाले सुझाएको छ । राति देशका धेरै स्थानमा हल्कादेखि मध्यम वर्षा र उच्च हिमाली तथा पहाडी भेगमा हल्का हिमपातको सम्भावना छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
