ओखलढुंगा । सडकमा बाक्लो हिउँ जमेपछि ओखलढुंगा-सोलुखुम्बु सडक अवरुद्ध भएको छ। हिमपातको कारण बिहीबार बिहानदेखि सडक अवरुद्ध भएको हो।
सिद्धिचरण राजमार्ग अन्तर्गत ओखलढुंगा र सोलुखुम्बुको सिमानामा पर्ने पत्ताले डाँडामा बाक्लो हिउँ जमेका कारण सडकमा गाडी चल्न सकेका छैनन्। सडकमा एकफिट भन्दा बाक्लो हिउँ जमेको छ।
सोलुदुधकुण्ड नगरपालिका ८ पत्ताले क्षेत्रको पत्ताले बजारदेखि ठाडेसम्म ७ किलोमिटर भन्दा धेरै सडकमा हिउँ जमेको जिल्ला ट्राफिक प्रहरी कार्यालय ओखलढुंगाका इन्चार्ज कृष्ण कटुवालले जानकारी दिए। हिमपातले चिसो बढ्दा जनजीवन पनि कस्टकर बनेको छ। सडकममा जमेको हिउँ पन्छाएर अवरुद्ध सडक खुलाउनका लागि पहल भइरहेको स्थानीय प्रशासनले जनाएको छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
