काठमाडाैं । गएको कात्तिकमा आएको बेमौसमी वर्षाको कारण यस वर्ष नेपालमा धान उत्पादन घटेको छ। गत वर्षभन्दा यस वर्ष धान उत्पादन झण्डै ५ लाख मेट्रिक टनले घटेको कृषि तथा पशुपन्छी विकास मन्त्रालयले जनाएको छ।
कात्तिक १ र २ गते परेको बेमौसमी वर्षाको कारण देशैभरी पाकेको धानमा ठूलो क्षति पुगेको थियो। जसको कारण यस वर्ष धान उत्पादन गत वर्षभन्दा ४ लाख ९१ हजार ८५ मेट्रिक टन घटेको मन्त्रालयका प्रवक्ता प्रकाश कुमार सन्जेलले जानकारी दिए।
बेमौसमी वर्षाले सबैभन्दा धेरै क्षतिसुदूरपश्चिम र लुम्बिनी प्रदेशमा पुगेको छ। सुदूरपश्चिममा धान उत्पादन ३१.४९ प्रतिशतले घटेको छ।
मन्त्रालयका अनुसार आर्थिक वर्ष २०७७ ७८ मा ५६ लाख २१ हजार ७ सय १० मेट्रिक टन धान उत्पादन भएको थियो। यस वर्ष उत्पादन घटेर ५१ लाख ३० हजार ६ सय २५ मेट्रिक टनमा झरेको छ।
त्यसैगरी लुम्बिनीमा १८.३८ प्रतिशत, कर्णालीमा ८.७६ प्रतिशत, प्रदेश २ मा ३.२४ प्रतिशत, प्रदेश १ मा शून्य दशमलव ९३ प्रतिशत र वाग्मती प्रदेशमा शून्य दशमलब ३५ प्रतिशतले धान उत्पादन घटेको मन्त्रालयले जनाएको छ।धान उत्पादन घट्दा यस वर्ष विदेशबाट चामलको आयात बढ्ने अवस्था सिर्जना भएको छ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
