झापा । आज पौष २९ गते, कोच राजवङ्शी समुदायले धुमधामसङ्ग भक्का दिवस मनाउँदैछन् । कोच राजवङ्शी समुदायले पुस २९ गतेलाई भक्का दिवसका रूपमा मनाउँदै आएका छन्।
भक्का चिसो (हिउँदे) मौसममा खाने प्रमुख परिकार हो। पछिल्लो समय कोच राजवंशी समुदायसँगै अन्य जातजातिले पनि रुचाएपछि भक्का खाने प्रचलन बढेको छ। राजवङ्शी जातिमा मात्र सीमित रहेको भक्का खाने चलन पछिल्लो समय सबै जातजातिबीच लोकप्रिय बनेपछि यसलाई प्रवर्धनात्मक कार्यक्रमसहित भक्का दिवस मनाउन थालिएको छ ।
झापामा भक्कालाई जाडोको मौसममा चोक–चोकमा खान पाइने एक सामान्य खाजाको रूपमा लिने गरे पनि भक्का स्वास्थ्यका लागि हितकर खाजा भएको राजवङ्शी समुदायको भनाइ छ । भक्का चामलको पिठोबाट बनाइन्छ। शुद्ध चामलको पिठोलाई पानीको बाफमा पकाएर भक्का बनाउने गरिन्छ।
पिठोको चामलमा कुनै वस्तु मिसावट नहुने तथा पानीको बाफमा मात्र पकाउने गरेकाले भक्का पूर्ण रुपमा स्वस्थकर मानिन्छ। भक्का दिवसको अवसरमा विभिन्न स्वादमा भक्का खानुका साथै कोच लोक सांस्कृतिक कार्यक्रमको पनि प्रस्तुत गर्ने गरिएको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
