काठमाडौं । भारतीय अभिनेता ब्रह्मानन्दमले नेपाली फिल्म ‘ह्रस्वदीर्घ’मा अभिनय गर्ने भएका छन् ।
एक हजारभन्दा बढी फिल्ममा अभिनय गरेर गिनिज बुकमा विश्व कीर्तिमान राखेका ब्रह्मानन्दम र निर्माण कम्पनी नीता फिल्म्स र ब्रह्मानन्दमबीच लिखित सम्झौता भएको हो ।
भारतको सर्वोच्च नागरिक सम्मान पद्मभूषण समेत प्राप्त गरेका उनलाई महंगो पारिश्रमिकमा अनुबन्धित गरिएको जनाइएको छ ।
अभिनेत्री नीता ढुंगानाले निर्माण गर्न लागेको यो फिल्ममा ब्रह्मानन्दम देखिन लागेको निर्देशक चन्द्र पन्तसँगको तस्वीरमार्फत जानकारी दिइएको छ ।
सन् १९९९ मा अमिताभ बच्चनसँग ‘सूर्यवंशम्’मा अभिनय गरेयता उनले कुनै हिन्दी फिल्ममा अभिनय गरेका छैनन् । ब्रह्मानन्दमको उपस्थितिले फिल्मको लाइनअप बलियो भएको नीताले बताइन् ।
नेपाल र भारतमा खिचिने ‘ह्रस्वदीर्घ’मा धनन्जय घलानी कास्टिङ निर्देशक छन् । नेपाली कलाकारहरु हरिहर अधिकारी, सरोज खनाल र सलोन बस्नेत पनि फिल्मको मुख्य भूमिकामा छन् ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
