काठमाडौँ । जय नेपाल पार्टीका सभापति डा. धवल शम्शेर राणाले संगठन सुदृढीकरण र जनताको हकहितका लागि दृढताका साथ अघि बढ्न पार्टीका कार्यकर्ताहरूलाई निर्देशन दिएका छन्।
चाबहिल, गँगहितिस्थित पार्टीको केन्द्रीय कार्यालयमा आयोजित काठमाडौँ जिल्ला कार्यसमितिको पद तथा गोपनीयताको शपथग्रहण कार्यक्रममा बोल्दै प्रमुख अतिथि डा. राणाले सो कुरा बताएका हुन्। काठमाडौँ जिल्ला अध्यक्ष सुरज पाण्डे ('कालो बाहुन')को सभापतित्वमा सम्पन्न उक्त विशेष समारोहमा राष्ट्रियता, स्वाभिमान र जनसेवाको सङ्कल्प व्यक्त गरिएको थियो।
समारोहमा पार्टी सभापति डा. राणाले नवनिर्वाचित तथा मनोनीत जिल्ला कार्यसमितिका पदाधिकारी एवं सदस्यहरूलाई पद तथा गोपनीयताको शपथ गराए। समारोहमा बोल्दै सभापति राणाले राजधानी काठमाडौँमा पार्टीको उपस्थिति र प्रभाव बढाउन नयाँ टोलीले महत्त्वपूर्ण भूमिका खेल्ने विश्वास व्यक्त गरे।
शपथग्रहणपछि नवनिर्वाचित काठमाडौँ जिल्ला टोलीले पार्टीको नीति र विचारलाई जनस्तरसम्म पुर्याउँदै संगठनलाई थप सुदृढ र गतिशील बनाउने प्रतिबद्धता जनाएको छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
