प्रितम तामाङ, काठमाडौं । पूर्वसञ्चारमन्त्री गोकुल बास्कोटाको घरमा बम विष्फोट भएको छ । मध्यपुर ठिमी नगरपालिका १ मनोहरा फाँटमा रहेको बाँस्कोटाको घरमा आज बिहान ठूलो आवाजसहित विस्फोट भएको हो ।
विस्फोटबाट बाँस्कोटाको निर्माणाधीन घर परिसरमा राखेको बा १९ प ४७८१ नम्बरको मारुती भ्यान क्षतिग्रस्त भएको छ । विस्फोटबाट बाँस्कोटाका छिमेकीहरुको घरमा पनि क्षति पुगेको स्थानीयले जनाएका छन् । बास्कोटाका छिमेकीहरु कुबेर केसी र कपिलदेव घिमिरेको घरमा क्षति पुगेको जनाइएको छ । स्थानीय कपिल घिमिरेले आफनो घरमा एक करोड बराबरको क्षति भएको बताएका छन् ।
बास्कोटाको घर क्षेत्रमा हिजो दिनभर प्रहरीले गस्ती गरेको थियो । आज बिहानै प्रहरीको गस्ती नभएको मौका पारेर बम विस्फोट गराइएको हो । बम विस्फोट गराउने समूहबारे अहिलेसम्म केही खुल्न सकेको छैन । सेक्युरिटी प्रिन्टर खरिदका लागि सरकारले प्रक्रिया अघि बढाइरहेका बेला तत्कालीन सञ्चारमन्त्री बाँस्कोटा स्वीस कम्पनीका एजेन्ट भनिने विजयप्रकाश मिश्रसँग ७० करोड रुपैयाँ कमिशनकाण्डमा मुछिएपछि राजीनामा दिएका थिए ।
कमिशनस्वरुप आउने ७० करोडमध्ये करिब ५५ करोड रुपैयाँ मिश्रसँग बार्गे्निङ गरिरहेको अडियो बाहिरिएसँगै बाँस्कोटाले पदबाट राजिनामा दिनुपरेको थियो ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
