स्याङ्जा । आगलागी हुँदा दुई घर र चार गोठ जलेर नष्ट भएको छ। कालिगण्डकी गाउँपालिका-५ बाँसटारीमा बिहीबार दिउँसो आगोलागी हुँदा दुई घर र चार गोठ जलेर नष्ट भएको हो ।
नेत्रप्रसाद न्यौपानेको घरमा कुडो पकाउने क्रममा गोठमा आगो लागेको र अन्य घरमा पनि आगो लाग्न पुगेपछि क्षती भएको जिल्ला प्रहरी कार्यालय स्याङ्जाले जनाएको छ । न्यौपानेको गोठ र १ कटेरो जलेर नष्ट भएको छ भने २ ओटा भैंसी मरेका छन् । करिब ४ लाख ८३ हजार बराबरको क्षती भएको प्रहरीले जनाएको छ ।
यसैगरी तोलाकान्त न्यौपानेको १ गोठ जलेको छ भने २ भैंसी घाइते भएका छन् । करिब ३ लाख ५० हजार बराबरको क्षती भएको प्रहरीको भनाई छ । सन्तोष पाण्डेको २ ओटा कच्चि घर र १ कटेरो जलेको छ भने ९ लाख ६५ हजार बराबरको क्षती भएको छ । ताराप्रसाद न्यौपानेको १ गोठ र १ कटेरो जलेर छ भने ४ लाख १५ हजार बराबरको क्षति भएको जिल्ला प्रहरी कार्यालयले जनाएको छ ।
कालिगण्डकी ए जलविद्युत आयोजनाको पावरहाउस बेलटारिमा रहेको नेपाली सेनाको टोली र दमकलको सहायताले आगो नियन्त्रणमा लिएको प्रहरीले जनाउको छ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
