कोरोनाको औषधि कोईला भन्दै भ्रम फैलाउनेको कैलाली प्रहरीले खोजी गर्दै

कृतबहादुर बिष्ट, धनगढी । कोरानाको औषधि सम्बन्धि भ्रम फैलाउनेको खोजी भईरहेको जिल्ला प्रहरी कार्यलय कैलालीले जनाएको छ ।

घरको आगँन खन्ने र कोईला निस्किन्छ, त्यसको तिलक लगाएर कोरोना संक्रमण हुदैने भन्ने भ्रम फैलाउनेको खोजी भईरहेको प्रहरी जनाएको छ । बिहिवार राती ‘घरको मूल ढोका अगाडिको आँगन उज्यालो नहुँदै खन्नुहोस् र कोईला निस्कन्छ, त्यही कोईलाको तिकक लगाउनुस् , कोरोनाले संक्रमण गर्दैन भन्ने भ्रम एकाएक फैलिएको थियो ।

यही भ्रमका कारण धेरैले राती नै धमाधम घरआगँन खने र कोईला पाएकाले तिलक लगाए भने केहीले पाएनन् र लगाएनन् पनि ।
शुक्रवार धनगढीका तीर्थराज भट्टले यस्तै जानकारी पए र एक फेसबुक स्टाटस मार्फत आफुले पाएको जानकारी भ्रम हो भन्दै भ्रमको पछि नलागेको बताए ।

यती खेर कैलालीमा आँगन खनेर कोईला निस्किने र कोरोनाको औषधी होकी भ्रमहो भनेर धेरैले सामाजिक संजाल मार्फत जिज्ञासा राखीरहेका छन् । कैलालीमा मात्र नभई आगँनमा भेटिएको कोईला कोरोनाको औषधी हो भनी सुदूरपश्चिमका पहडी जिल्लाबाट पनि कैलालीमा बसोबास गर्ने धेरैले आफन्तबाट फोन आएको समेत बताएका छन् ।

यसै सम्बन्धमा हामीले बिहानै जिल्ला प्रहरी कार्यलय कैलालीका प्रहरी नायव उपरिक्षक दक्षकुमार बस्नेतलाई टेलिफोन सम्पर्क गर्यौ । यस्तो भ्रमका बिषयमा तपाईलाई केही जानकारी छ ? उपरिक्षक बस्नेतले बस्नेत भने “यो भ्रम हो , यस्तो भ्रम फैलाउनेको हामीले खोजी गरिरहेका छौ ” । यस्ता भ्रमका पछि नलाग्न जिल्ला प्रहरी कार्यलय कैलालीले अपिल समेत गरेको छ ।