१९ चैत, काठमाडौं । राप्रपाका अध्यक्ष कमल थापाले नेपालीलाई विदेशमा शरणार्थी र मगन्ते नबनाउन सरकार संग आग्रह गरेका छन् ।
उनले सामाजिक सञ्जालमार्फत प्रधानमन्त्री केपी शर्मा ओलीलाई नेपालीलाई विदेशमा शरणार्थी र मगन्ते नबनाउन आग्रह गरेका हुन् ।
थापाले समाजीक संजाल फेसबुकमा लेखेका छन्, ‘संक्रमण रोक्न सिमा बन्दगर्नु आवश्यक थियो,सरकारले गर्यो– ठिक हो । त्यसका वावजुद आफु बसेको ठाउंमा काम नपाएर वा कोरोनाबाट डराएर वा परिवारको जिम्मेवारी बोधगरेर घरफर्कने चाहनामा कोही सिमानामा आईपुगेको छ भने तिनलाई रोक्नु–सर्वथा गलत हो । नेपालीलाई बिदेशमा शरणार्थी र मगन्ते नबनाऔं । प्रम केपी शर्मा ओलीको ध्यान आकर्षित गर्दछु ।’
लकडाउनका कारण भारतको विभिन्न क्षेत्रमा काम गरी फर्किएका करिब पाँच सय नेपाली सीमा क्षेत्र धार्चुलामा रोकिएका छन् । उनीहरु नेपाल प्रवेश गर्न पाएका छैनन् भने नेपाल सरकारले उतै क्वारेन्टाइनमा राख्ने व्यवस्था गरेको बताउँदै आएको छ ।
तर, चीनको वुहानबाट एक सय ७५ जना नेपालीलाई विमान चार्टर गरेर ल्योएको सरकारले सीमा क्षेत्रमा आइपुगेका नागरिकलाई प्रवेश नदिएर भारतमै राखेको भन्दै चर्को आलोचना भइरहेको छ ।
अझ भारतिय संचारमाध्यमले त नेपालले आफ्ना नागरिकको मतलव नगरेको भन्दै समचार लेख्न थालेका छन् । यसको सर्वत्र बिरोध भइरहेको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
