प्रहरीसँगको वादविवादका क्रममा बेहोस भएकी वृद्धाको मृत्यु

वैशाख १, २०७७

कालापानी मिडिया

१ बैसाख, सप्तरी। लकडाउन उल्लङ्घनका विषयमा प्रहरीसँगको वादविवादका क्रममा बेहोस भएर एक जना वृद्धाको मृत्यु भएको छ। सप्तरीको खड्ग नगरपालिका ६ वीरपुरमा लकडाउन उल्लङ्घन गरेर सर्वसाधारण बाहिर निस्केको सूचना पाएर पुगेको इलाका प्रहरी कार्यालय कल्याणपुरको टोलीसँग स्थानीय बासिन्दाको विवाद भएको थियो।

बेहोस भएकी उनलाई स्थानीय अस्पतालमा प्राथमिक उपचार गराई थप उपचारका लागि गजेन्द्रनारायण सिंह सगरमाथा अञ्चल अस्पतालमा ल्याउने वित्तिकै उनको मृत्यु भएको प्रहरीले जनाएको छ। प्रहरीका अनुसार उनी मुटुका रोगी थिइन्।

प्रहरीले आफैं बेहोस भएको बताएपनि स्थानीयले लक डाउन उल्लङ्घन रोक्न गएको प्रहरीले उनलाई कुटेपछि उनी बेहोस भएको जनाएका छन्। जयनवका पति हाजी कमरुद्धिन ट्याक्टरमा सामान लोड गरिरहँदा प्रहरीले उनी र पत्नी जयनवलाई कुटेको स्थानीयले बताएका छन।

प्रतिक्रिया दिनुहोस