एजेन्सी । दक्षिणपश्चिम कोलम्बियाको एउटा जेलबाट भाग्ने क्रममा ४९ कैदीबन्दीको मृत्यु हुनुका साथै दर्जनौं घाइते भएका छन् ।
जेलमा आगो लागेपछि भाग्ने क्रममा उक्त दुर्घटना भएको र अहिलेसम्म ४९ जनाको मृत्यु भएको नेसनल पेनिटेन्सियरी एण्ड प्रिजन इन्स्टिच्युटका प्रवक्ताले जनाउनुभएको हो ।
मृतकको संख्या अझै बढ्न सक्ने उहाँको भनाई उद्दृत गर्दै अन्तर्राष्ट्रिय संचारमाध्यमहरुले उल्लेख गरेका छन् । विवरणअनुसार ४० जनाभन्दा बढी घाइते भएका छन् । यसैबीच घटनालाई लिएर निवर्तमान राष्ट्रपति इभान ड्यूकले ट्विट गर्दै मृतकका आफन्तजनप्रति सहानुभूति जनाउनुभएको छ ।
ल्याटिन अमेरिकाका जेलमा यस्ता घटनाहरु बारम्बार हुने गर्दछन् । कोलम्बियाको छिमेकी इक्वेडरमा सन् २०२१ को सुरुदेखि भएका ६ ओटा दंगामा झन्डै ४०० कैदी मारिएका थिए ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
