काठमाडौं । नेपाल कम्युनिष्ट पार्टी ९नेकपा०को स्थायी समिति बैठक तयारीका लागि आज सचिवालय बस्दैछ ।नेकपाले पार्टीभित्रको विवाद सुल्झाउन बिहीबार स्थायी समिति बैठक बोलाएको छ । त्यसको एजेण्डा तय गर्न सचिवालय बैठक बस्न लागेको हो ।
सचिवालय बैठक प्रधानमन्त्री निवास बालुवाटारमा दिउँसो ३ बजे हुने पार्टीका प्रचार विभाग उपप्रमुख सूर्य थापाले जानकारी दिनुभएको छ । प्रधानमन्त्री केपी ओलीको कार्यशैली र अध्यादेशलाई लिएर नेकपाको शीर्ष नेताबीच पछिल्लोसमय आपसी किचलो भइरहेको छ । नेकपाको विधानमा एक व्यक्ति एक पद प्रावधान छ । तर त्यसको कार्यान्वयन हुन सकिरहेको छैन ।
अध्यक्ष पुष्पकमल दाहाल तथा वरिष्ठ नेताद्वय माधवकुमार नपाल र झलनाथ खनाल लगायतले पार्टी विधि अनुसार चल्नुपर्ने भन्दै एक व्यक्ति एक पद कार्यान्वयन हुनुपर्नेमा जोड दिँदै आउनुभएको छ । तर प्रधानमन्त्री ओली पक्षले त्यसको बेवास्ता गर्दै आएको छ । त्यही कारण पार्टीमा विवद भएको हो । विवाद उत्कर्षमा पुगेर नेतृत्व नै संकटमा पर्न थालेपछि त्यसको समाधानको लागि स्थायी समिति बैठक बोलाइएको हो ।
स्थायी समिति बैठक अघि पनि शीर्ष नेताहरुले समस्या समाधान गर्न आपसी संवाद जारी राखेका छन् । प्रधानमन्त्री ओलीले अर्को अध्यक्ष दाहाल, वरिष्ठ नेता नेपाल, उपाध्यक्ष बामदेव गौतमलगायत नेताहरुसँग छुट्टाछुट्टै भेटवार्ता गर्नुभएको छ । प्रधानमन्त्री ओलीले अर्का अध्यक्ष दाहालसँग मंगलबार पनि परामर्श गर्नुभएको थियो ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
