कञ्चनपुर । हावाहुरीका कारण रुख ढल्दा विद्युतको पोलमा क्षति पुगी कञ्चनपुरका विभिन्न स्थानमा विद्युत सेवा अवरुद्ध भएको छ। आइतबार साँझ आएको हावाहुरीले रुख ढलेपछि विद्युतका तार चुँडिनुका साथै पोलहरु ढलेका छन्।
तार चुँडिने र पोल ढलेकाले वेदकोट, शुक्लाफाँटा, कृष्णपुर, बेलौरी नगरपालिका र लालझाडी गाँउपालिकामा विद्युत सेवा अवरद्ध भएको छ। नेपाल विद्युत प्राधिकरण वितरण शाखा महेन्द्रनगरका अनुसार विद्युत लाइन मर्मत गर्न मात्रै दुई दिनभन्दा बढी समय लाग्नेछ। शुक्लाफाँटा नगरपालिका क्षेत्रमा मात्रै १५ वटाभन्दा बढी पोलमा क्षति पुगेको नगरपालिकाले जनाएको छ ।
हावाहुरीका कारण मानवयि क्षति नभए पनि ग्रामीण क्षेत्रमा घरका छाना उडाएको खबर आए पनि क्षतिको यकिन भने नआएको नगरपालिकाले जनाएको छ । यता भिमदत्तनगर र नगरपालिकामा रहेको रेडियो महाकालीको टावर ढल्दा प्रसारण अवरुद्ध भएको छ। वडा नम्बर १० का दुईवटा घरको छना हावाहुरीले उडाएको छ।
यस्तै, वडा नम्बर ७ को एक निजी स्कुलको छत हावाहुरीले उडाएको छ। वडा नम्बर १८ मा एनसेलको टावरमा सामान्य क्षति पुगेको छ। सोही वडाको सालघारी क्षेत्रमा विद्युतका पोलहरु ढल्दा विद्युत सेवा अवरुद्ध भएको छ।
वडा नम्बर १ का एउटा घरमा चट्याङ परे पनि मानवीय र भौतिक क्षति नभएको प्रहरीले जनाएको छ। हावाहुरीले किसानका तरकारी खेतीका लागि बनाएका प्लाष्टिका टनेलमा समेत क्षति गरेको छ। आँप खेतीमा समेत क्षति गरेको छ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
