तत्कालीन सुदूरपश्चिम विकास क्षेत्रको सदरमूकाम दिपायल बाट धमाधम कार्यलयहरु कैलाली सारिदै

एकेन्द्र चन्द । डोटी । १७ वर्षअघि दिपायलमा स्थापना गरिएको सुदूरपश्चिम पृतना मुख्यालय यसैसाता कैलालीको तेघरी सारिएको छ । लकडाउनका बेला गुपचुपमै पृतना तेघरी सारिएको छ ।
यो खबरलाई पृतनास्रोतले समेत पुष्ट गरेको छ । ‘जे खबर आएको छ त्यहि सत्य हो,’ स्रोतले भन्यो,’बाँकी हामीले भन्न मिल्दैन ।’ सुदूरपश्चिम पृतना मुख्यालय २०६० सालमा डोटी जिल्लाको राजपुरमा स्थापना भएको थियो ।

तत्कालिन सुदूरपश्चिम विकास क्षेत्रको सदरमूकाम दिपायल रहेकोले स्थापित पृतना हाल सुदूरपश्चिप प्रदेशको राजधानी गोदावरी कायम गरिसंगै कैलाली सरेको हो । राजपुरबाट मुख्यालय सारिएसँगै कैलालीमा रहेको श्री नं ५ बाहिनी अड्डा र बाहिनी मातहतका सम्पूर्ण युनिट दिपायल राजपुर आउने तयारी भैरहेको छ ।

सुदूरपश्चिम प्रदेशका मुख्यमन्त्री त्रिलोचन भट्टले साविकको क्षेत्रिय सदरमुकाम रहेको डोटीबाट कुनै पनि तत्कालिन क्षेत्रिय कार्यालयहरु नसारिने बताएका थिए । मुख्यमन्त्री भट्टले सबै कार्यालयहरु प्रदेश सरकार अन्तरगत आउने भएकाले कार्यालय सारिने कुरा भ्रम रहेको बताउँदै आएका थिए ।

क्षेत्रिय कार्यालय तथा ठुला योजनाहरु प्रदेश सरकार अन्तरगत आउने भएकाले सरकारी सम्पतीको दुरुपयोग नहुने त्यसको उचित उपयोग हुने बताएका मुख्यमन्त्री भट्ट कार्यालय सरेको बारे बेखबर बन्दै आएका छन् ।

भट्ट मुख्यमन्त्री भैसकेपछि डोटीमा रहेका धेरैजसो कार्यालयहरु कैलाली सारिएका छन् भने कतिपए कार्यालयहरु कैलालीमा भाडाको घरमा संचालन हुँदै आएका छन् । पछिल्लो समय कार्यालय सारिएको कुरामा मुख्यमन्त्री मौन छन् ।