एकेन्द्र चन्द, डोटी । राष्ट्रिय प्रजातन्त्र पार्टीका नेता केशबराज जोशीकोनिधन भएको छ । जोशीको मंगलबार बिहान धनगढी स्थित निसर्ग हस्पिटलमा उपचारका क्रममा निधन भएको हो ।
ब्रेनमा आएको समस्याका कारण नुहाउने क्रममा बेहोस भएका जोशीलाई उपचारका लागि निसर्ग हस्पिटल लगिएको थियो । स्वर्गिय जोशीको कैलाली स्थित मोहना नदिमा दाहसंस्कार भैरहेको परिवार स्रोतले जनाएको छ । दिपायल सिलगढी नगरपालिका वडा नं। ७ उडितोला घर भएका स्वर्गिय जोशी लामो समय देखि राजनीतिमा सक्रिय थिए ।
उनि डोटीबाट २०५६ सालमा प्रतिनिधिसभाका लागि निर्वाचन लडेका थिए । स्वर्गिय जोशी राप्रपाका पूर्व डोटी जिल्ला सभापति तथा सुदूरपश्चिम प्रदेश सदस्य हुन् । हाल धनगढी बस्दै आएका नेता जोशीका एक छोरा, बुहारी र एक नाती छन् । उनका चार छोरी पनि छिन् ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
