नेपालगञ्ज ।
सोमबार एकैपटक ५३ जनामा कोरोना भाइरस (कोभिड–१९) संक्रमण पुष्टि भएको छ । यससँगै कुल संक्रमितको संख्या ३५७ पुगेको छ ।
स्वास्थ्य तथा जनसंख्या मन्त्रालयकाअनुसार बाँकेको नरैनापुरका २६३ जनाको स्वाब परिक्षण गर्ने क्रममा १९२ जनाको रिपोर्ट आउदा ४७ जना पोजेटिभ भेटिएको हो । भेरी अस्पतालस्थित प्रयोगशालामा १९२ जनाको परीक्षण गर्दा ४७ जनाको रिपोर्ट पोजेटिभ आएको हो । संक्रमितहरु मध्ये ४६ जना पुरुष र एक महिला छन् ।
यता, मोरङमा थप एकजनामा कोरोना भाइरस भेटिएको छ । यो संगै मोरङमा संक्रमितको संख्या ३ पुगेको छ । मोरङ्को रतुवामाई नगरपालिकाका २४ वर्षको पुरूषमा कोरोना संक्रमण देखियो । कोशी अञ्चल अस्पताल विराटनगरमा स्वाब परिक्षण गर्दा कोरोना संक्रमण देखिएको हो ।
त्यस्तै गुल्मी, धनुषा, रौतहट, दाङ र धादिङमा १/१ जना गरी ५ जनामा पनि सोमबार नै कोरोना संक्रमण पुष्टि भएको छ ।
उनीहरु १८ देखि ३६ वर्ष उमेर समूहका रहेका स्वास्थ्य तथा जनसंख्या मन्त्रालयका प्रवक्ता डा. विकास देवकोटाले जानकारी दिए । उनीहरुको स्थायी ठेगाना र हालको ठेगानामा कन्ट्याक ट्रेसिङ सुरु गरिसकिएको उनले बताए ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
