अनिल माली,कपिलवस्तु । कपिलवस्तुको मायादेवी गाउँपालिकामा मंगलवार बिहान ४ जनामा थप कोरोना पोजिटिभ देखिएको छ । यस संगै मायादेवी गाउँपालिकामा संक्रमितको संख्या ८ जना पुगेको छ । अईतवार मायादेवी गाउँपालिका वडा नं ४ सानोगौरामा रहेको जनता प्राविको क्वारेन्टाईनमा रहेका १६ जना मध्ये आडिटी रिपोर्टमा ३ जनामा पोजिटिभ देखिए पछि पिसिआरको लागि स्वाब संकलन गरिएको थियो ।
स्वाबको रिपोर्टमा ३ जनामै पोजिटिभ देखिएको छ । भने अर्का १ मायादेवी गाउापालिका वडा नं ३ का २० बार्षिय युवामा पनि पोजिटिभ देखिएको छ । उनको पनि आडिटी रिपोर्ट पोजिटिभ आए पछि पिसिआर टेस्ट गरिएको थियो । त्यसमा पनि पोजिटिभ आए संगै मायादेवीमा मंगलवार ४ जना र त्यो भन्दा पहिले ४ जनामा कोरोना पोजिटिभ देखिएको थियो ।
संक्रमित सबै १४ दिन अगाडी भारतको मुम्बई देखि आएका थिए । कपिलवस्तुमा अहिले कोरोना संक्रमितको संख्या ४७ पुगेको छ । कपिलवस्तु जिल्लाको यशोधरा गाउपालिकामा १२ जना , कपिलवस्तु नगरपालिकामा ९, कृष्णनगर नगरपालिकामा ८, वुद्धभुमी नगरपालिकामा ४, मायादेवी गाउपालिकामा ८, शिवराज नगरपालिकामा ३ जना, वाणगंगा नगरपालिकामा १ र विजयनगर गाउ पालिकामा १ जना कोरोना संक्रमण भएका छन ।
यसै गरी जिल्लामा ४ जना सुरक्षा कर्मी , १ जना स्टाफ नर्स, २ जना कर्मचारी र १ जना ६ वर्षिय बालिका संक्रमण भएको हो ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
